કાર્યવાહી / અમદાવાદમાં IT વિભાગનું મેગા સર્ચ ઓપરેશન, બે બિલ્ડર ગ્રુપને ત્યાં દરોડા, 150 અધિકારીઓ જોતરાયા બેનામી તપાસમાં

• અમદાવાદમાં ઈન્કમટેક્ષ વિભાગનું મેગા સર્ચ ઓપરેશન
• ટોચનાં બે થી ત્રણ બિલ્ડર  ગ્રુપ તેમજ બ્રોકરોની બે ડઝનથી વધુ સ્થળોએ તપાસ
• તપાસનાં અંતે મોટી કરચોરી મળી આવે તેવી શક્યતાઓ

 અમદાવાદમાં ફરી ઈન્કમટેક્સનું સુપર મેગા ઓપરેશન કરવામાં આવ્યું છે. શહેરના નામાંકીત એવાં બે થી ત્રણ બિલ્ડર ગ્રુપ ઉપર આવકવેરા ખાતા ના દરોડા પાડવામાં આવતાં સમગ્ર બિલ્ડર લોબીમાં તહેવારો ટાણે ગભરાટ નો માહોલ જોવા મળ્યો હતો.

જે રીતે ઈન્કમટેકસ વિભાગે સપાટો બોલાવ્યો છે. તે જોતાં અને સૂત્રોની વાત માનવામાં આવે તો જે બિલ્ડર ગ્રુપને ત્યાં આઇ ટીનાં અધિકારીઓ ત્રાટક્યા છે. તે લોકોને ત્યાં બે હિસાબી નાણાં મળશે. તે પણ મોટો સવાલ છે....!

ટોચનાં બે બિલ્ડર ગ્રુપ તેમજ  બ્રોકરો આઈટીની ઝપેટમાં
શહેરના સાયન્સ સીટી રોડ સહિત અનેક એરિયામાં પ્રોજેક્ટ કરનાર ત્રિકમભાઈ પટેલ અનિલભાઈ પટેલ સહિત બે ડઝન સ્થળોએ તવાઈ કરવામાં આવી હતી.જેમાં અમદાવાદ શહેરના જાણીતા અવિરત ગ્રુપ અને શિપરમગ્રુપ સહિત 3 ગ્રુપ પર આઈટી ત્રાટકયુ હતું. અવિરત ગ્રુપના કનુભાઈ પટેલ સંદીપભાઈ પટેલ અને બળદેવભાઈ પટેલને ત્યાં પણ તપાસ ચાલી છે. બિલ્ડર ગ્રુપ સાથે સંકળાયેલા અમદાવાદના બે ટોચના બ્રોકર પણ ઇન્કમટેક્સની ઝપટમાં આવ્યા છે. હાઇકોર્ટ પાસે આવેલી ઓફિસ સહિત અન્ય ઓફિસો પર પણ આવકવેરા ખાતા દ્વારા તપાસ હાથ ધરી છે.  ઇન્કમટેક્સનો 150 થી પણ વધુ અધિકારીઓનો કાફલો તપાસમાં જોડાયો છે. તપાસના અંતે મોટી કરચોરી મળી આવે તેવી સંભાવના છે.