IPL 2024 ની છઠ્ઠી મેચ RCB અને પંજાબ કિંગ્સની ટીમો વચ્ચે બેંગલુરુના એમ ચિન્નાસ્વામી સ્ટેડિયમમાં રમાઈ રહી છે. RCBના દિગ્ગજ બેટ્સમેન વિરાટ કોહલી માટે આ મેચ ખૂબ જ ખાસ છે. આ મેચમાં તે IPLના બે મોટા રેકોર્ડ તોડી શકે છે. તેનું નિશાન ડેવિડ વોર્નર અને એમએસ ધોનીના રેકોર્ડ હશે.
ડેવિડ વોર્નરનો આ રેકોર્ડ ખતરામાં
વિરાટ કોહલી IPLમાં અત્યાર સુધી 238 મેચ રમી ચૂક્યો છે. આ દરમિયાન તેણે 7284 રન બનાવ્યા છે. જેમાં 643 ચોગ્ગાનો સમાવેશ થાય છે. IPLમાં સૌથી વધુ ચોગ્ગા મારનાર બેટ્સમેનોની યાદીમાં તે ત્રીજા સ્થાને છે. જ્યારે ડેવિડ વોર્નર 649 ચોગ્ગા સાથે આ યાદીમાં બીજા સ્થાને છે. આવી સ્થિતિમાં જો વિરાટ કોહલી પંજાબ કિંગ્સ સામે 7 ચોગ્ગા ફટકારે તો તે વોર્નરને હરાવી દેશે. બીજી તરફ શિખર ધવન 754 ચોગ્ગા સાથે નંબર વન પર છે.
IPLમાં સૌથી વધુ ફોર
- શિખર ધવન- 754 ચોગ્ગા
- ડેવિડ વોર્નર- 649 ચોગ્ગા
- વિરાટ કોહલી- 643 ચોગ્ગા
- રોહિત શર્મા- 561 ચોગ્ગા
- સુરેશ રૈના- 506 ચોગ્ગા
ધોનીના આ રેકોર્ડ પર વિરાટની નજર
વિરાટ કોહલી આ મેચમાં સૌથી વધુ ચોગ્ગા તેમજ સૌથી વધુ છગ્ગા મારનારની યાદીમાં એક સ્થાન ઉપર જઈ શકે છે. વિરાટે આઈપીએલમાં અત્યાર સુધી 235 સિક્સર ફટકારી છે અને તે સૌથી વધુ સિક્સર મારનારા ખેલાડીઓની યાદીમાં 5માં નંબર પર છે. જ્યારે એમએસ ધોની 239 છગ્ગા સાથે ચોથા સ્થાને છે. આવી સ્થિતિમાં વિરાટ 5 સિક્સર મારતા જ આ લિસ્ટમાં ધોનીને પાછળ છોડી દેશે.
વધુ વાંચો : IPL 2024નું સંપૂર્ણ શિડ્યુઅલ જાહેર, 26 મે ચેન્નાઈમાં રમાશે ફાઈનલ મુકાબલો, જુઓ ક્યારે કઈ મેચ?
IPLમાં સૌથી વધુ સિક્સર
- ક્રિસ ગેલ- 357 છગ્ગા
- રોહિત શર્મા- 258 છગ્ગા
- એબી ડી વિલિયર્સ- 251 છગ્ગા
- એમએસ ધોની- 239 છગ્ગા
- વિરાટ કોહલી- 235 છગ્ગા
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
