IPL 2024 ની તેમની પ્રથમ મેચમાં કોલકાતા નાઈટ રાઈડર્સે તેમના હોમ ગ્રાઉન્ડ ઈડન ગાર્ડન્સ પર બેટિંગનો જબરદસ્ત દેખાવ રજૂ કર્યો હતો. ટીમના વિસ્ફોટક બેટ્સમેન આન્દ્રે રસેલે તે ફોર્મ બતાવ્યું જેના માટે તે હંમેશા જાણીતો રહ્યો છે. રસેલે છગ્ગાનો વરસાદ કર્યો. રસેલ સહિત કોલકાતાના બાકીના બેટ્સમેનોના આ પ્રદર્શને માત્ર ટીમના ચાહકોને જ નહીં, પરંતુ ટીમના માલિક અને બોલિવૂડ સ્ટાર શાહરૂખ ખાનનું દિલ પણ જીતી લીધું હતું. પરંતુ આ બધાની વચ્ચે શાહરૂખે કંઈક એવું કર્યું જેને જોઈને હોબાળો મચી ગયો.
સિગારેટનો ધુમાડો ઉડાડતો કેમેરામાં કેદ થઈ ગયો
IPLની નવી સિઝનમાં કોલકાતાની પ્રથમ મેચમાં ટીમને સપોર્ટ કરવા શાહરૂખ ખાન પણ હાજર રહ્યો હતો. આ સમય દરમિયાન શાહરુખને જોઈને ચાહકો ઉત્સાહથી ભરાઈ ગયા હતા અને તેના નામના નારા લગાવવા લાગ્યા હતા, ત્યારે શાહરુખે પણ તેમના પર પ્રેમ વરસાવ્યો હતો અને હાથ મિલાવતા ફ્લાઈંગ કિસ આપી હતી. શાહરૂખે આ દરમિયાન ટીમની બેટિંગની મજા પણ માણી હતી પરંતુ આ દરમિયાન તે અચાનક સિગારેટનો ધુમાડો ઉડાડતો કેમેરામાં કેદ થઈ ગયો હતો.
સ્ટેડિયમમાં સિગારેટના ધુમાડા ઉડ્યા
પોતાની સ્મોકિંગની આદતને કારણે હંમેશા ચર્ચામાં રહેનાર શાહરૂખ ખાન ઈડન ગાર્ડન્સ સ્ટેડિયમમાં પણ પોતાને આમ કરવાથી રોકી શક્યો નહીં. કોલકાતાની ઇનિંગ દરમિયાન શાહરૂખ સ્ટેડિયમના કોર્પોરેટ બોક્સમાં બેસીને મેચની મજા માણી રહ્યો હતો અને આ દરમિયાન તે સિગારેટ પીતો કેમેરાની નજરમાં આવ્યો હતો. શાહરૂખનો સ્મોકિંગનો વીડિયો ટીવી સ્ક્રીન પર આવતાની સાથે જ તેની તસવીરો સોશિયલ મીડિયા પર વાયરલ થઈ ગઈ હતી. ઘણા યુઝર્સે આ માટે શાહરૂખની ટીકા કરી અને તેને યુવાનો માટે ખોટો સંદેશ ગણાવ્યો.
વધુ વાંચો : PBKS vs DC: પંજાબે દિલ્હીને 4 વિકેટે આપી માત, આ ખેલાડીઓનું બલ્લે બલ્લે પ્રદર્શન
અગાઉ પણ ધૂમ્રપાનને કારણે વિવાદ થયોહતો
શાહરૂખ આઈપીએલમાં વિવાદો સાથે લાંબા સમયથી સંકળાયેલો છે. આ પહેલીવાર નથી જ્યારે તે IPL મેચ દરમિયાન સ્ટેડિયમમાં ધૂમ્રપાન કરતો પકડાયો હોય. અગાઉ 2012ની સીઝનમાં પણ તે સ્ટેડિયમમાં સિગારેટ પીતો જોવા મળ્યો હતો. ત્યારબાદ શાહરૂખ જયપુરના સવાઈ માનસિંહ સ્ટેડિયમમાં સિગારેટ પીતો જોવા મળ્યો હતો. આ મામલે જયપુરની સ્થાનિક કોર્ટમાં તેની સામે કેસ પણ નોંધવામાં આવ્યો હતો. આ સિવાય મુંબઈના વાનખેડે સ્ટેડિયમમાં ગ્રાઉન્ડ સ્ટાફ સાથેની લડાઈને કારણે તેના પર ઘણા વર્ષો સુધી સ્ટેડિયમમાં આવવા પર પ્રતિબંધ મૂકવામાં આવ્યો હતો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
