ક્રિકેટ / આ ખેલાડીઓના ડૂબતાં કરિયરને મળ્યો IPL 2023નો સહારો, શાનદાર પ્રદર્શનથી સાબિત કર્યું કે 'ઓલ્ડ ઈઝ ગોલ્ડ'

• આ ખેલાડીઓની ડૂબતી કારકિર્દીને આઈપીએલથી નવી જીંદગી મળી
• શાનદાર પ્રદર્શનથી આ ખેલાડીઓ તેમના ટીમની જાન બની ગયા
• જૂના દિગ્ગજ ખેલાડીઓએ  સાબિત કરી બતાવ્યું કે ઓલ્ડ ઈઝ ગોલ્ડ

IPL 2023 માં અત્યાર સુધી ઘણા ખેલાડીઓએ જોરદાર પ્રદર્શન કર્યું છે અને ઘણા ખેલાડીઓ સારી રીતે બહાર ઊભરી આવ્યા છે. જો કે ખાસ કરીને કેટલાક અનામી ખેલાડીઓએ આ સિઝનમાં એમ જણાવ્યું છે કે ઓલ્ડ ઈઝ ગોલ્ડ. આ ખેલાડીઓમાં અજિંક્ય રહાણે, પીયૂષ ચાવલા, મોહિત શર્મા જેવા નામ સામેલ છે જેમની ડૂબતી કારકિર્દીને આઈપીએલથી નવી જીંદગી મળી છે. આ યાદીમાં ઈશાંત શર્મા, અમિત મિશ્રા, સંદીપ શર્મા પણ સામેલ છે. આઈપીએલની આ સિઝનથી અજિંક્ય રહાણેને એટલો ફાયદો થયો કે ફરી એકવાર તે ભારતીય ટીમમાં પાછો ફર્યો. 

અજિંક્ય રહાણે, પીયૂષ ચાવલા અને મોહિત શર્મા જેવા જૂના દિગ્ગજ ખેલાડીઓએ તેમના શાનદાર પ્રદર્શનથી વાત સાચી સાબિત કરી છે ઓલ્ડ ઈઝ ગોલ્ડ. એક વાત નોંધનીય છે કે સિઝનની શરૂઆત પહેલા આ ખેલાડીઓને કોઈ મહત્વ આપતું નહતું પણ હવે  શાનદાર પ્રદર્શનથી આ ખેલાડીઓ તેમના ટીમની જાન બની ગયા છે. 

MOHIT SHARMA, THE HERO FOR GUJARAT.

HE DEFENDED 12 RUNS IN THE FINAL OVER: 2, W, W, 1+W, 1+W, 0 pic.twitter.com/6Cp80KWpc5

— Johns. (@CricCrazyJohns) April 22, 2023

ગુજરાત ટીમનો મોહિત શર્મા 
મોહિત શર્મા ગયા વર્ષે ગુજરાત ટાઇટન્સનો નેટ બોલર હતો આ વર્ષે તેણે ચાર મેચમાં છ વિકેટ લીધી છે આ સાથે જ તેને પ્લેયર ઓફ ધ મેચનો એવોર્ડ પણ મળ્યો છે. મહત્વનું છે કે ગુજરાતની ટીમના કેપ્ટન હાર્દિક પંડ્યા માટે મોહિત શર્મા ડેથ ઓવરોમાં પસંદગીનો બોલર બની ગયો છે.

Blessed with all the support. We move 🙌 @ChennaiIPL 💛 pic.twitter.com/IRwI0H8G5W

— Ajinkya Rahane (@ajinkyarahane88) April 24, 2023

રહાણે અને ચાવલાએ સાબિત કર્યું ઓલ્ડ ઈઝ ગોલ્ડ 
અજિંક્ય રહાણેને ચેન્નાઈ સુપર કિંગ્સે 50 લાખની મૂળ કિંમતે ખરીદ્યો હતો અને આ સિઝનમાં તેને જબરદસ્ત રન બનાવ્યા છે. રહાણે એ છ ઇનિંગ્સમાં 224 રન બનાવ્યા છે અને તેનો સ્ટ્રાઈક રેટ 189.83 છે. તેઆ સિઝનમાં તેને બે શાનદાર અર્ધસદી પણ ફટકારી છે. એ જ રીતે સિનિયર લેગ સ્પિનર પીયૂષ ચાવલાએ મુંબઈ ઈન્ડિયન્સ તરફથી રમતા સાત મેચમાં 11 વિકેટ લીધી છે. તેની ઈકોનોમી 7.11 રહી છે.

આ ખેલાડીઓનો શાનદાર પ્રદર્શન 
આ ત્રણ ખેલાડીઓ સિવાય ટેસ્ટ ટીમમાં સ્થાન ન મેળવી રહેલા ઈશાંત શર્માએ અહીં પહેલી જ મેચમાં પ્લેયર ઓફ ધ મેચનો એવોર્ડ જીત્યો હતો. આ સાથે અમિત મિશ્રાએ લખનૌ સુપર જાયન્ટ્સ માટે ઘણી મેચોમાં મહત્વપૂર્ણ બોલિંગ પણ કરી છે.  IPLમાં 100થી વધુ મેચ રમનાર સંદીપ શર્મા પણ આ IPLમાં કોઈએ ખરીદ્યો નહતો પણ પ્રખ્યાત કૃષ્ણાની ઈજા બાદ તે રાજસ્થાન રોયલ્સ સાથે જોડાયો હતો. તેણે CSK સામેની બંને મેચમાં સારી બોલિંગ કરીને અત્યાર સુધી ટીમની જીતમાં મહત્વનું યોગદાન આપ્યું છે.