INX Media Case / ઇન્દ્રાણી મુખર્જીનો દાવોઃ ચિદમ્બરમ અને દીકરા કાર્તિને આપ્યા હતા 50 લાખ ડોલર

• ઈન્દ્રાણી લાંચની રકમને લઈને મળી હતી પી. ચિદમ્બરમનેઃ CBI
• આઈએનએક્સ મીડિયા કેસની તપાસ માટે મે 2007માં કેસ નોંધાયો હતો

સીબીઆઈએ દાખલ કર્યું આરોપપત્ર

કેન્દ્રીય તપાસ બ્યુરો (CBI)એ આઈએનએક્સ મીડિયા કેસમાં વિશેષ કોર્ટમાં આરોપ પત્ર દાખલ કર્યું. સીબીઆઈએ એમ પણ કહ્યું કે તેણે આ સંબંધમાં વિદેશોમાં ન્યાયિક સહયોગને માટે પત્ર લખ્યો છે જેની રાહ જોવાઈ રહી છે.

CBIએ ઈન્દ્રાણીને ચાર્જ શીટમાં આપી માફી

સીબીઆઈએ દિલ્હીમાં સ્પેશ્યિલ કોર્ટમાં દાખલ કરેલી અરજીમાં ઈન્દ્રાણીને માફ કરવાની વાત કહી છે. દિલ્હીની કોર્ટે આ વર્ષે જુલાઈમાં તે અરજીને સ્વીકારી હતી. જેમાં ઈન્દ્રાણી મુખર્જીને સરકારી સાક્ષી બનાવવાની વાત કહેવામાં આવી હતી.ઉલ્લેખનીય છે કે CBIએ ચાર્જશીટમા પી.ચિદમ્બરમને લગભગ 10 લાખ રૂપિયાની લાંચ લેવાનો આરોપ લગાવ્યો છે. સીબીઆઈએ સ્પેશ્યિલ કોર્ટમાં દાખલ કરેલી અરજીમાં કહ્યું છે કે પી. ચિદમ્બરમે 2008માં આ રૂપિયા લીધા હતા. 

આ રીતે લગાવવામાં આવી છે કલમ

તપાસ એજન્સીઓએ 4 કંપનીઓ અને 8 લોકોની વિરુદ્ધમાં આરોપપત્ર દાખલ કર્યું. તેમાં 120 બી (અપરાધિક કેસ), 420 (દગાખોરી), 468 અને 471 (નકલી દસ્તાવેજને અસલી બતાવીને હસ્તાક્ષર કરાવવા)ની કલમો લગાવવામાં આવી છે.

ઈન્દ્રાણી મુખર્જી કેસમાં સરકારી સાક્ષી બની ચૂકી છે. તે પોતાની દીકરી શીના બોરાની હત્યાના આરોપમાં મુંબઈ જેલમાં છે. ઈન્દ્રાણીએ સીબીઆઈને કહ્યું છે કે તે રિશ્વતની રકમને લઈને ચર્ચા કરવા માટે માર્ચ-એપ્રિલ 2007માં પી. ચિદમ્બરમને મળી હતી. સીબીઆઈએ આઈએનએક્સ મીડિયા પ્રા. લિ.ને મળેલા 403.07 કરોડ રૂપિયા વિદેશ નિવેશની તપાસને માટે મે 2007માં કેસ નોંધ્યો હતો.