VIDEO / જયશંકરની કૂટનીતિમાં છલકાઈ દેશભક્તિ, BBC દરોડા મામલે UKના વિદેશમંત્રીને મોંઢે ચોપડાવ્યું, જાણો શું કહ્યું

Team VTV 03:30 PM, 01 Mar 23 | Updated: 03:57 PM, 01 Mar 23
India's

UKના વિદેશ મંત્રી જેમ્સ ક્લેવર્લીએ વિદેશમંત્રી જયશંકર સાથેની દ્વિપક્ષીય ચર્ચામાં બીબીસી ટેક્સ સર્વેનો મુદ્દો ઉઠાવ્યો હતો.

  • UKના વિદેશ મંત્રીએ ભારતીય વિદેશમંત્રી સાથે કરી વાત 
  • બીબીસી ટેક્સ સર્વેનો મુદ્દો ઉઠાવ્યો 
  • જયશંકરે ચોખ્ખું કહ્યું- કરવું પડશે ભારતના કાયદાનું પાલન 

થોડા સમય પહેલા દિલ્હી અને મુંબઈમાં બીબીસી ઓફિસમાં ઈન્કમ ટેક્સના દરોડા પડ્યાં હતા તે વખતે દરોડાના મુદ્દો ખૂબ ગૂંજ્યો હતો. આજે આ મુદ્દો બ્રિટનના વિદેશમંત્રી જેમ્સ ક્લેવર્લીએ વિદેશમંત્રી એસ જયશંકર સાથેની દ્વિપક્ષીય ચર્ચામાં ઉઠાવ્યો હતો. 

તમામ વિદેશી સંસ્થાઓએ ભારતના કાયદાનું પાલન કરવું પડશે 
વિદેશમંત્રી એસ જયશંકરે પહેલા તો બ્રિટનના વિદેશમંત્રીની વાત શાંતિથી સાંભળી અને ત્યાર બાદ તેમને ચોખ્ખું સંભળાવ્યું કે ભારતમાં કામ કરતી તમામ વિદેશી સંસ્થાઓએ જરુરી કાયદા અને રેગ્યુલેશનનું પાલન કરવું પડશે. 

જયશંકરે બ્રિટનના વિદેશમંત્રીને આપ્યો જડબાતોડ જવાબ 
ભારતે બીબીસીની ઓફિસોમાં 'આઈટી સર્વે'નો મુદ્દો ઉઠાવવા બદલ બ્રિટનને આકરો જવાબ આપ્યો છે. ભારતે સ્પષ્ટપણે કહ્યું છે કે, સંસ્થા ગમે તે હોય, તેણે કાયદાઓનું પાલન કરવું જ પડશે.સૂત્રોએ જણાવ્યું કે જયશંકરે બ્રિટિશ વિદેશ મંત્રીને જડબાતોડ જવાબ આપ્યો છે. જયશંકરે કહ્યું કે તમામ સંસ્થાઓએ કાયદાઓનું પાલન કરવું જ જોઇએ.

ગત મહિને બીબીસીની ઓફિસમાં આઈટી ટેક્સ સર્વે કરાયો હતો 
ગયા મહિને બ્રિટિશ બ્રોડકાસ્ટર બીબીસીની ઓફિસોમાં ત્રણ દિવસ સુધી સર્ચ કરવામાં આવ્યું હતું. લંડનમાં પોતાના મુખ્યાલયથી સંચાલિત બીબીસીએ યુકેમાં વિવાદાસ્પદ ડોક્યુમેન્ટરી 'ઇન્ડિયા: ધ મોદી ક્વેશ્ચન'નું પ્રસારણ કર્યાના અઠવાડિયા બાદ આવકવેરા વિભાગનો આ સર્વે કરવામાં આવ્યો છે. આ ડોક્યુમેન્ટ્રીમાં વડાપ્રધાન નરેન્દ્ર મોદી અને 2002ના ગુજરાત રમખાણોના સંદર્ભમાં ઉલ્લેખ કરવામાં આવ્યો હતો.
બીબીસીની ઓફિસોની તલાશી લીધા બાદ, આઇ-ટી વિભાગે એવો દાવો કર્યો હતો કે તેની આવક, અથવા વિવિધ કંપનીઓ દ્વારા દર્શાવવામાં આવેલો નફો, "ભારતમાં કામગીરીના સ્કેલ સાથે સુસંગત નથી. 

બ્રિટન સરકારે બીબીસીનો કર્યો હતો બચાવ 
બ્રિટન સરકારે ત્યાંની સંસદમાં બીબીસી અને તેના સંપાદકીય સ્વતંત્રતાનો જોરદાર બચાવ કરતા કહ્યું હતું કે, "અમે બીબીસીની તરફેણમાં છીએ. અમે બીબીસીને ભંડોળ પૂરું પાડીએ છીએ. અમને લાગે છે કે બીબીસી વર્લ્ડ સર્વિસ મહત્વપૂર્ણ છે. 

BBC Row UK Foreign Secretary On BBC Row S Jaishankar

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ