- ભારતે વેસ્ટઈન્ડિઝને 200 રનથી હરાવ્યું
- 2-1થી ભારતે જીતી સીરિઝ
- કેપ્ટન હાર્દિક પંડ્યાને આવી કોહલીની યાદ
વિરાટ કોહલી અને રોહિત શર્મા વગર ભારતે વેસ્ટઈન્ડિઝને સીરિઝની ત્રીજી અને નિર્ણાયક વનડેમાં 200 રનથી હરાવ્યું. તેની સાથે જ ભારતે સીરિઝ 2-1થી જીતી લીધી. આ વેસ્ટઈન્ડિઝમાં ભારતની સૌથી મોટી જીત છે. આ મેચમાં ભારતની કેપ્ટન્સી હાર્દિક પંડ્યાએ કરી હતી. પંડ્યાએ પણ શાનદાર ઈવનિંગ રમી.
તેમણે 52 બોલમાં અણનમ 70 રન માર્યા અને ટીમને 351 રનના સ્કોર સુધી પહોંચાડવામાં મહત્વની ભુમિકા નિભાવી. સીરિઝ જીતથી પંડ્યા ખૂબ જ ખુશ જોવા મળ્યા. તેમણે યુવા ખેલાડીઓ, વિરાટ-રોહિતની ગેરહાજરી અને પોતાની રમતને લઈને ખુલીને વાત કરી.
આવી મેચની રાહ જોતો હોઉ છું: પંડ્યા
પંડ્યાએ કહ્યું, "ઈમાનદારીથી કહું તો કેપ્ટનની રીતે હું આ પ્રકારની મેચની જ રાહ જોતો હોઉ છું. જ્યાં ફક્ત મેચ નહીં અમુક વસ્તુઓ પણ દાંવ પર લાગી હોય છે. આપણે જાણીએ છીએ કે જો આવી મેચમાં આપણે અસફળ રહીએ તો જરૂર નિરાશ થઈ જઈશું. જે રીતે યુવા ખેલાડીઓએ પોતાનું પ્રદર્શન કર્યુ અને ક્રિકેટની મજા માણી, આજ બધી વસ્તુઓ હું મારી ટીમમાં ઈચ્છુ છું. પ્રેશર હોવા છતાં તેનો આનંદ ઉઠાવવો.... કારણ કે તેના વગર તમે હીરો ન બની શકો."
વિરાટ સાથે વાતચીતનો ફાયદો થયો
પોતાની બેટિંગને લઈને પંડ્યાએ કહ્યું, "હું ક્રિઝ પર થોડો સમય પસાર કરવા માંગતો હતો. વિકેટ સારી હતી. થોડા દિવસ પહેલા વિરાટ કોહલી સાથે ઘણી વાતો થઈ. તેમણે અમુક વાતો જણાવી હતી તે ઈચ્છા હતા કે હું વિકેટ પર થોડો સમય પસાર કરું. આ વાત મારા દિમાગમાં બેસી ગઈ. હું બસ તકની રાહ જોઈ રહ્યો હતો અને એક વખત લય મેળવી લીધી બાદ હું શોટ્સ રમી શકતો હતો. જ્યાંરે બોલ બોટની વચ્ચો વચ્ચ આવ્યો તો બધી વસ્તુઓ બદલાઈ જાય છે. મેં મારા આખા કરિયરમાં આ વાત જોઈ છે."
