- ભારત- પાકિસ્તાનની મેચ આવતીકાલે અમદાવાદના નરેન્દ્ર મોદી સ્ટેડિયમમાં રમાશે
- આ ટીમમાં મેચમાં હાર્દિક પંડ્યા ટીમ ઈન્ડિયાની કમાન સંભાળી શકે
- IPL 2023ની ફાઈનલ પહેલા હાર્દિકે અમદાવાદમાં સતત ત્રણ મેચ જીતી હતી
વનડે વર્લ્ડ કપમાં ભારતીય ટીમની ટક્કર હવે પાકિસ્તાન સાથે થશે. ટીમ ઈન્ડિયા આ ટૂર્નામેન્ટમાં ખૂબ જ સારા લયમાં જોવા મળી રહી છે અને હવે આવતીકાલે એટલે કે મેચ 14 ઓક્ટોબરે ભારત અને પાકિસ્તાનની મેચ અમદાવાદના નરેન્દ્ર મોદી સ્ટેડિયમમાં રમાશે.
ભારત પાકિસ્તાનની મેચમાં હાર્દિક પંડ્યા ટીમ ઈન્ડિયાની કમાન સંભાળી શકે
આ મેચ બંને ટીમો માટે અન્ય મેચો કરતા મોટી છે અને સમગ્ર ક્રિકેટ જગત આ મેચની રાહ જોઈ રહ્યું છે. પાકિસ્તાનના કેપ્ટન બાબર આઝમ કે ટીમ ઈન્ડિયાના કેપ્ટન રોહિત શર્મા આ મેચમાં હારનો સામનો કરવા ઈચ્છશે નહીં. એવામાં ભારત પાકિસ્તાનની આ મેચમાં રોહિત શર્મા નહીં પરંતુ હાર્દિક પંડ્યા ટીમ ઈન્ડિયાની કમાન સંભાળી શકે છે.
રોહિત મેદાન પર સત્તાવાર કેપ્ટન રહેશે પરંતુ..
એ વાતીઓ આપણે બધા જાણીએ જ છીએ કે હાર્દિક પંડ્યા ટીમ ઈન્ડિયાનો વાઇસ કેપ્ટન છે. આનો સીધો અર્થ એ છે કે તે રોહિતને તેની જીતની રણનીતિમાં સાથ આપશે. રોહિત મેદાન પર સત્તાવાર કેપ્ટન રહેશે પરંતુ હાર્દિક આ મેદાન પર રમવાના તેના અનુભવનો ફાયદો ટીમ ઈન્ડિયાને આપશે. એટલે કે હાર્દિક પંડ્યા પ્રત્યેક્ષ રીતે નહીં પરોક્ષ રીતે આ મેચમાં કેપ્ટનશિપ કરી શકે છે.
હાર્દિકને અમદાવાદ આ સ્ટેડિયમમાં રમવાનો અનુભવ છે
ભારત-પાકિસ્તાનની મેચ અમદાવાદના નરેન્દ્ર મોદી સ્ટેડિયમમાં રમાશે. એટલે કે પંડ્યા આ મેચ પોતાના ઘરે રમશે. સાથે જ મહત્વનું છે કે IPLમાં હાર્દિક પંડયા ગુજરાત ટાઇટન્સના કેપ્ટન છે, જેનું હોમ ગ્રાઉન્ડ નરેન્દ્ર મોદી સ્ટેડિયમ છે. 2022માં પોતાની કેપ્ટનશીપ હેઠળ ગુજરાતને IPLની પ્રથમ સિઝનમાં ચેમ્પિયન બનાવી ચૂક્યા છે અને તેને આ મેદાન પર રોહિત કરતાં વધુ કેપ્ટનશિપ કરી છે. તે સારી રીતે જાણે છે કે આ મેદાન પર કેવા પ્રકારની બોલિંગ કામ કરી શકે છે અને આ મેદાનની પિચ કેવી છે. આવી સ્થિતિમાં પ્લેઇંગ-11ની પસંદગી અને અન્ય નિર્ણયોમાં પંડ્યાના અભિપ્રાયનું ઘણું મહત્વ રહેશે. સાથે જ પંડ્યા પાકિસ્તાન સામેની જીતની રણનીતિ નક્કી કરવામાં પણ રોહિતની મદદ કરી શકે છે.
IPL 2023ની ફાઈનલ પહેલા હાર્દિકે અમદાવાદમાં સતત ત્રણ મેચ જીતી હતી
કેપ્ટનશિપ આ વર્ષની આઈપીએલમાં પણ હિટ રહી હતી. તેમના નેતૃત્વમાં ગુજરાત ટાઇટન્સ ટીમ સતત બીજા વર્ષે ફાઇનલમાં પહોંચી હતી. એ અલગ વાત હતી કે ટીમ ટાઈટલ જીતવામાં ચૂકી ગઈ હતી અને ફાઇનલમાં ચેન્નાઈ સુપર કિંગ્સ સામે હાર થઈ હતી, પરંતુ કેપ્ટન તરીકે પંડ્યાની વ્યૂહરચના આખી સિઝનમાં અસરકારક રહી હતી. હાર્દિકની ગુજરાત ટાઇટન્સે તેના હોમ ગ્રાઉન્ડ પર 9માંથી 5 મેચ જીતી હતી. IPL 2023ની ફાઈનલ પહેલા હાર્દિકે અમદાવાદમાં સતત ત્રણ મેચ જીતી હતી.
