ક્રિકેટ / ન બેટિંગનાં ઠેકાણા, ન બોલિંગના! ઈંગ્લેન્ડ સામે ટીમ ઇન્ડિયાનો ધબડકો, 9 વિકેટે કારમો પરાજય

 

• ભારતીય મહિલા ટીમ ઇંગ્લેન્ડ સામે ટી20 સીરીઝની પહેલી મેચ હારી 
• ઇંગ્લેન્ડને આપ્યો હતો 133 રનનો ટારગેટ 
• ઇંગ્લેન્ડની સારાહ ગ્લેનનું જબરદસ્ત પ્રદર્શન   

ભારતીય મહિલા ટીમ ઇંગ્લેન્ડ સામે ટી20 સીરીઝની પહેલી મેચ હારી 

ભારતીય મહિલા ક્રિકેટ ટીમ ઇંગ્લેન્ડ છે. અહીં ટીમ ઇન્ડિયાએ ત્રણ મેચની ટી20 સીરીઝની શરૂઆત અત્યંત ખરાબ કરી છે. સીરીઝની પહેલી જ મેચમાં ઇંગ્લેન્ડની મહિલા ટીમે 9 વિકેટથી ભારતને માત આપી છે. 

ચેસ્ટર - લે - સ્ટ્રીટનાં રીવરસાઈડ ગ્રાઉન્ડ પર રમવામાં આવેલા આ મુકાબાલામાં ભારતની ખરાબ બેટિંગ અને બોલિંગ સાથે ફિલ્ડીંગ પણ ખરાબ રહી છે. ઘણા કેચ છુટ્યા અને બાઉન્ડ્રી પર અંકુશ ન લગાવી શક્યા. ભારતીય ટીમના મિડલ ઓર્ડરે પણ ખરાબ પ્રદર્શન કર્યું હતું. 

That's that from the first T20I.

England chase down the target in 13 overs. Win by 9 wickets and go 1-0 up in the series.

Scorecard - https://t.co/F0BWspRvjN #ENGvIND pic.twitter.com/PV1MUjExDs

— BCCI Women (@BCCIWomen) September 10, 2022

ઇંગ્લેન્ડની મહિલા ટીમે હાલમાં જ ધ હંડ્રેડ ટુર્નામેન્ટ રમી છે. તેમને તેનો ફાયદો થયો. ઇંગ્લેન્ડની ટીમે 133 રનનો ટારગેટ એક વિકેટ ગુમાવીને 13 ઓવરમાં જ પ્રાપ્ત કરી લીધો. આ જીતમાં ઓફ સ્પિનર સારાહ ગ્લેને પ્રમુખ ભૂમિકા નિભાવી. તેમણે 23 રન આપીને 4 વિકેટ લીધી. તેમને પ્લેયર ઓફ ધ મેચ પણ પસંદ કરવામાં આવ્યા. 

ટીમ ઈન્ડિયાનો મિડલ ઓર્ડર ફેલ 
જણાવી દઈએ કે મેચમાં ભારતીય ટીમે ટોસ હારીને પહેલા બેટિંગ કરી. શરૂઆત તો ઠીકઠાક મળી, પણ મિડલ ઓર્ડરે કામ ખરાબ કરી દીધું. એક સમયે ભારતીય ટીમની 8.2 ઓવરમાં 2 વિકેટ પર 55 રન હતા. પણ ત્યાંથી વિકેટો પડવાની શરુ થઇ. કુલ ભારતીય ટીમે 132 રન જ બનાવ્યા. સારાહ ગ્લેને 23 રન આપીને 4 વિકેટ લીધી. 

ઇંગ્લેન્ડની ટીમે 9 વિકેટથી મેચ જીતી 
133 રનના ટારગેટનાં જવાબમાં ઇંગ્લેન્ડનું દમદાર પ્રદર્શન જોવા મળ્યું. ઓપનર સોફિયા ડંકલીએ  44 બોલ પર 61 રન બનાવ્યા. આ ઉપરાંત, ડેનીલે વાયટે 16 બોલ પર 24 રન બનાવ્યા અને એલીસે કેપ્સીએ 20 બોલ પર 32 રન બનાવ્યા. ભારતીય ટીમ માત્ર એક વિકેટ લઇ શકી. એ પણ વાઈડ બોલ પર સ્ટમ્પીંગનાં રૂપમાં.  આ પ્રકારે ઇંગ્લેન્ડની ટીમે 13 ઓવરમાં એક વિકેટ ગુમાવીને 134 રન બનાવ્યા.