એશિયા કપ / ICCએ લીધા મોટા એક્શન, ભારત-પાકિસ્તાનની ટીમ પર લગાવ્યો મોટો દંડ, જાણો શું હતી ભૂલ

• ભારત અને પાકિસ્તાન બંને ટીમોને આપી ICCએ સજા 
• નિર્ધારિત સમયમાં 20 ઓવર પૂરી ન કરી શકવા પર લાગ્યો દંડ 
• 85 મિનીટમાં 20 ઓવર પૂરી કરવાનો છે નિયમ 

ભારતે પાકિસ્તાન સામે મેળવી જીત 

UAEમાં આજકાલ એશિયા કપ 2022 ટૂર્નામેન્ટ ચાલી રહી છે. ભારતે પોતાની પહેલી જ મેચમાં પાકિસ્તાનને માત આપી છે, પરંતુ આ મેચમાં કંઈક એવું પણ બન્યું, જેથી ICCએ આ બંને ટીમો પર મોટું એક્શન લીધું છે. 

ભારત અને પાકિસ્તાન બંને ટીમોને આપી સજા 
ICCએ ભારત અને પાકિસ્તાન બંને ટીમોને મોટી સજા આપી છે. જણાવી દઈએ કે ભારત અને પાકિસ્તાનની ટીમો મેચમાં નિર્ધારિત સમય પર પોતાની ઓવર સમાપ્ત કરી શકી ન હતી, જેને કારણે ICCએ બંને ટીમો પર સ્લો ઓવર રેટ માટે દંડ જાહેર કર્યો છે. 

ICCએ આપી સજા 
આઈસીસીનાં નિયમો અનુસાર ખેલાડીઓ પર તેમની ફીસનાં 20 ટકા દંડ લગાવવામાં આવ્યો છે. આઈસીસીએ 1 જાન્યુઆરી 2022થી સ્લો ઓવર રેટને લઈને નિયમમાં સંશોધન લાગૂ કર્યું હતું, જેમાં દરેક ટીમે પોતાની 20 ઓવર કોઈપણ પરિસ્થિતિમાં ૮૫ મીનીટની અંદર પૂરી કરવી ફરજીયાત હતી, આવામાં જો કોઈ ટીમ ૮૫ મિનીટમાં માત્ર 17 ઓવર જ ફેંકી શકે છે, તો બચેલી ત્રણ ઓવરમાં તેમને દંડ તરીકે પાંચનાં સ્થાને માત્ર ચાર ખેલાડીઓને જ ૩૦ યાર્ડનાં સર્કલની બહાર ઉભા રહેવાની મંજૂરી મળે છે.