- શું કેએલ રાહુલ કરશે ટી20 ટીમની કેપ્ટન્સી?
- નવા પ્રોમોમાંથી ગાયબ દેખાયા હાર્દિક પંડ્યા
- નવા પ્રોમોનો વીડિયો વાયરલ
વનડે વર્લ્ડ કપ પૂર્ણ થઈ ચુક્યા બાદ દુનિયાભરની તમામ ક્રિકેટ ટીમોની સાથે સાથે ભારતીય ક્રિકેટ ટીમ પણ પોતાના નવા સફરની શરૂઆત કરતી જોવા મળી રહી છે. એવામાં ટીમ ઈન્ડિયા અને ઓસ્ટ્રેલિયાની ટી20 સીરિઝ ચાલી રહી છે. જેમાં સૂર્યકુમાર યાદવને નેતૃત્વ આપવામાં આવ્યું છે. ત્યાર બાદ બીજી સીરિઝ સાઉથ આફ્રિકા સાથે હશે. જ્યાં ટી20, વનડે અને ટેસ્ટ ત્રણેય સીરિઝ રમવામાં આવશે.
ભારતની ટી20 ટીમનું શું થશે?
સાઉથ આફ્રીકા પ્રવાસની શરૂઆત ટી20 સીરિઝથી થશે. માટે સૌથી પહેલો પ્રશ્ન એ છે કે ટી20 ફોર્મેટમાં ટીમ ઈન્ડિયાની કેપ્ટન્સી કોણ કરશે? ટી20 ફોર્મેટમાં ટીમ ઈન્ડિયાની હાલત જોઈને એવું લાગી રહ્યું છે કે આ સીરિઝમાં એક નવો કેપ્ટન બનાવવામાં આવી શકે છે.
સાઉથ આફ્રીકા સીરિઝ માટે બ્રોડકાસ્ટર્સ દ્વારા તૈયાર કરવામાં આવેલા પ્રોમો વીડિયોમાં પણ હાર્દિક પંડ્યા જ દેખાતા હતા. જે સાઉથ આફ્રીકામાં જઈને ટી20 સીરિઝ રમવા અને જીતવાની વાત કરી રહ્યા હતા. જોકે હવે હાર્દિક પંડ્યા ઈજાગ્રસ્ત છે રિપોર્ટ અનુસાર સાઉથ આફ્રીકા સીરિઝ સુધી તે ઠીક નહીં થઈ શકે.
આ કારણે ઓસ્ટ્રેલિયા સીરિઝમાં સૂર્યકુમાર યાદવને કેપ્ટન બનાવવામાં આવ્યા અને હવે સાઉથ આફ્રીકા સીરિઝ માટે એક નવો પ્રોમો વીડિયો સામે આવ્યો છે જેમાં કેએલ રાહુલ જોવા મળી રહ્યા છે.
નવા પ્રોમોમાં હાર્દિકની જગ્યા પર જોવા મળ્યા કેએલ રાહુલ
આ નવા વીડિયોમાં હાર્દિક પંડ્યાની જગ્યા પર કેએલ રાહુલ સાઉથ આફ્રીકામાં જઈને ટી20 સીરિઝ રમવા અને જીતવાની વાત કરી રહ્યા છે. કેએલ રાહુલના પ્રોમોને જોઈને એક વાત સ્પષ્ટ થઈ ગઈ છે કે કમસે કમ કેએલ રાહુલ સાઉથ આફ્રીકામાં થવા જઈ રહેલી ટી20 સીરિઝ ટીમનો ભાગ રહેશે અને કદાચ મેચ પણ રમશે.
જોકે પ્રોમોમાં તેમનો વીડિયો જોઈને સોશિયલ મીડિયા પર ફેંસ કહેવા લાગ્યા છે કે કેએલ રાહુલની કેપ્ટન તરીકે વાપસી થઈ રહી છે. અમુક લોકો તેમને કેપ્ટન્સીનો સૌથી મોટો વિકલ્પ જણાવી રહ્યા છે.
