ભાજપના બક્ષીપંચ મોરચાના મંત્રી છે અનુપ ઉર્ફે પપ્પુ ગઢવી
પાડોશીને પરેશાન કરતા પપ્પુ ગઢવી વિરૂદ્ધ સ્થાનિકે પોલીસને કરી હતી જાણ
વારસિયા પોલીસે પહોચી ત્યારે નેતા નશાની હાલતમાં ઝડપયા
વારસિયા પોલીસે પપ્પુ ગઢવી સામે કેસ નોંધી વધુ કાર્યવાહી હાથ ધરી
પપ્પુ ગઢવી પોલીસમાં પકડાતા રાત્રે અનેક નેતાઓ પોલીસ સ્ટેશન પહોચ્યા હતા
Drunk BJP leader : ગુજરાતમાં સતત બીજા દિવસે રાજકીય નેતા દારૂ પીધેલી હાલતમાં ઝડપાયા છે. વાત જાણે એમ છે કે, ગઈકાલે સુરતના બારડોલીના ભાજપ કોષાધ્યક્ષ દારૂના નશામાં ઝડપાયા હતા. જોકે આજે સતત બીજા દિવસે આવી જ એક ઘટના વડોદરામાંથી સામે આવી છે. વડોદરામાં ભાજપના બક્ષીપંચ મોરચાના મંત્રી નશાની હાલતમાં ઝડપાયા છે. ઘટનાને લઈ હાલતો પોલીસે આ નેતા સામે કેસ નોંધી આ મામલે વધુ તપાસ હાથ ધરી છે.
અનુપ ઉર્ફે પપ્પુ ગઢવી- ફાઇલ તસવીર
ભાજપના બક્ષીપંચ મોરચાના મંત્રી નશાની હાલતમાં
વડોદરામાં ભાજપ નેતા અનુપ ઉર્ફે પપ્પુ ગઢવી નશાની હાલતમાં ઝડપાયા છે. માહિતી મુજબ અનુપ ઉર્ફે પપ્પુ ગઢવી ભાજપના બક્ષીપંચ મોરચાના મંત્રી છે. પાડોશીને પરેશાન કરતા પપ્પુ ગઢવી વિરૂદ્ધ સ્થાનિકે પોલીસને જાણ કરી હતી. જેને લઈ વારસિયા પોલીસ સ્થળ પર પહોચી ત્યારે નેતા નશાની હાલતમાં ઝડપાયા હતા. આ તરફ હવે વારસિયા પોલીસે પપ્પુ ગઢવી સામે કેસ નોંધી વધુ કાર્યવાહી હાથ ધરી છે. નોંધનીય છે કે, પપ્પુ ગઢવી પોલીસમાં પકડાતા રાત્રે અનેક નેતાઓ પોલીસ સ્ટેશન પહોચ્યા હતા.
ગઈકાલે બારડોલીમાં ભાજપ નેતા નશાની હાલતમાં ઝડપાયા હતા
મહત્વનું છે કે, હજી ગઈકાલે જ સુરતના બારડોલીના ભાજપ કોષાધ્યક્ષ ડૉ.કૌશલ પટેલ દારૂના નશામાં ઝડપાયા હતા. બારડોલી તાલુકા ભાજપ કોષાધ્યક્ષ ડૉ.કૌશલ પટેલ સુરતમાં પાણીપુરી વેચતી મહિલાઓને હેરાન-પરેશાન કરતાં હતા. જેથી મહિલાએ આ અંગે બારડોલી પોલીસ મથકમાં ફરિયાદ નોંધાવી હતી. જે બાદમાં પોલીસ બારડોલી તાલુકા ભાજપ કોષાધ્યક્ષ ડૉ.કૌશલ પટેલની અટકાયત કરી તપાસ શરૂ કરતાં આ દરમિયાન તાલુકા ભાજપ કોષાધ્યક્ષ નશામાં જણાઈ આવ્યા હતા. જેને લઈ ખુદ પોલીસ પણ ફરિયાદી બની તેમની સામે ગુનો દાખલ કર્યો હતો. જોકે મહત્ત્વનું છે કે, અટકાયત બાદ આ ભાજપ કોષાધ્યક્ષ જામીન પર મુક્ત થયા હતા.
