- પાકિસ્તાનમાં મોંઘવારીએ મૂકી માઝા
- પાકિસ્તાનની જનતા પીએમ ઇમરાન ખાનની નીતિઓથી ત્રસ્ત
- શિયાળામાં શાકભાજીના ભાવ વધારાને લઈને લોકો ત્રાહિમામ
પાકિસ્તાન હાલમાં ઘણા મોરચે તકલીફોનું સામનો કરી રહ્યું છે. ત્યાં હાલમાં વિદેશી મુદ્રા ભંડારમાં ખાસ્સો ઘટાડો નોંધાયો છે, રોકાણ નથી આવતું, અનાજની કમી છે IMF જેવા સંગઠનો પણ કરજ આપવામાં પાછીપાણી કરી રહ્યા છે ત્યારે ઘરઆંગણે શાકભાજીની વધેલી મોંઘવારીએ પીએમ ઈમરાન ખાનના સત્તાના સિંહાસનને ડોલાવી દીધું છે.
ઈમરાન સરકારની સામે વિપક્ષો થઈ રહ્યા છે એકજૂટ
નોંધનીય છે કે પાકિસ્તાન ની હાલની ઈમરાન સરકાર સામે છેલ્લા ઘણા સમયથી વિપક્ષો એકજૂટ થઈ રહ્યા છે અને વિવિધ શહેરોમાં મોરચા કાઢી રહ્યા છે, આ વિરોધ પ્રદર્શનોમાં જનતાનો સપોર્ટ જોઈને પાકિસ્તાન ના પીએમ ઈમરાન ખાન પણ સ્તબ્ધ થઈ ગયા છે ત્યારે તેઓ ખાંડની કિંમતોમાં થયેલા ઘટાડાને પોતાની અને પોતાની સરકારની રાષ્ટ્રીય સિદ્ધિ તરીકે વર્ણવી રહ્યા છે, ઉલ્લેખનીય છે કે હાલમાં પાકિસ્તાન ની જનતા શિયાળામાં હાલમાં શાકભાજીની કિંમતોમાં થયેલા અચાનક અને તીવ્ર વધારાને લઈને ત્રાહિમામ પોકારી રહી છે.
મહત્વનું છે કે જે પાકિસ્તાન વર્ષોથી દુનિયાને તેના ડુંગળીઓનું સપ્લાય કરતું હતું ત્યાં આજે ડુંગળીઓના ભાવ આસમાન આંબી રહ્યા છે, અને આ વર્ષે પાકિસ્તાન માં ઘઉંના ભાવએ રેકોર્ડ તોડ્યો છે. તે ઇતિહાસમાં અત્યાર સુધીની સૌથી વધુ કિંમત 40 કિલો દીઠ 2400 રૂપિયા એટલે કે એક કિલો 60 રૂપિયામાં પહોંચી ગઈ છે.
ઈમરાન સરકારના પ્રયાસો નિષ્ફળ, વિપક્ષોની સામે જનતાને ભૂલી ગયા
આ સાથે, ફુગાવાને અંકુશમાં લેવા અને ખાદ્ય સુરક્ષા પૂરી પાડવાના સરકારના પ્રયાસો નિષ્ફળ થયા હોવાના સંકેત મળી રહ્યા છે. ગયા ડિસેમ્બરમાં, દેશમાં પરિસ્થિતિ ખૂબ જ ખરાબ દેખાવા માંડી હતી જ્યારે ઘઉંનો ભાવ 40 કિલો દીઠ 2000 રૂપિયા સુધી પહોંચ્યો હતો. આ રેકોર્ડ આ વર્ષે ઓક્ટોબરમાં તૂટી ગયો હતો, સાથે જ શિયાળામાં મુખ્ય કહી શકાય તેવી વસ્તુ આદુંના ભાવ તો ભડકે બળીને 1000 રૂપિયે કિલો પહોંચ્યા છે.
ઇમરાન ખાન હાલમાં વિરોધી પક્ષોના ગઠબંધન પાકિસ્તાન ડેમોક્રેટિક મૂવમેન્ટની સામે મોરચો સાંભળી રહ્યા છે. વિપક્ષોને મળી રહ્યું જોરદાર જન સામર્થ્ય તેમની ઊંઘ ઉડાડી રહ્યું છે તે જ સમયે, વિપક્ષો હાલમાં ઈમરાનની વિરુદ્ધ એકજૂટ છે. ખુદ પાકિસ્તાની સેનાએ પણ સમય પારખીને ઈમરાન ખાનનું સમર્થન કરવાનું ઓછું કરી નાંખ્યું છે.
