ચકચાર / આ કેવી વિકૃતતા.! ગીર સોમનાથમાં પડોશીએ બાથરૂમમાં ગોઠવ્યો સ્યાય કેમેરો, પછી આરોપીનો જ સીન થઈ ગયો, ઘટના ચેતવતી

• ગીર સોમનાથમાં સમાજ માટે ચેતવણી રૂપ કિસ્સો
• વિકૃત માનસિકતા ધરાવતાં આરોપીએ ગોઠવ્યો સ્પાઈ કેમેરો
• સ્પાઈ કેમેરો લગાવનારની પોલીસે કરી ધરપકડ

જામનગર બાદ ગીર સોમનાથ પંથકમાથી પણ મહિલાઓ માટે લાલબતી સમાન કિસ્સો સામે આવ્યો છે. વેરાવળના પોસ વિસ્તારમા પાડોશીના મકાનમાં સ્પાઈ કેમેરા ગોઠવી વીડિયો બનાવવામાં આવતો હોવાની ઘટના સામે આવી છે. મહિલાના ધ્યાને સ્પાઈ કેમેરો આવતા ભાંડો ફૂટ્યો, પોલીસે સ્થાનિક યુવક ગોપાલ વણિક નામના આરોપીને દબોચી લીધો હતો.

બાથરૂમની જાળીમાં સ્પાઈ કેમેરો રાખ્યો

ગીર સોમનાથના મુખ્ય મથક વેરાવળ શહેરમાં સ્થાનિક યુવકે નજીકના એક મકાનની બારીની જાળીમાં સ્પાઇ કેમેરો ગોઠવ્યો હોવાની ઘટના સામે છે.વેરાવળ શહેરના 80 ફૂટ રોડ પર રહેતી એક મહિલાએ ગઈકાલ સાંજે વેરાવળ પોલીસ સ્ટેશનમા ફરિયાદ નોંધાવી કે તેમના મકાનની બાજુમાં નવું મકાન બનાવી રહેલા ગોપાલ વણીક નામના યુવાને મહિલાના બાથરૂમની જાળીમાં સ્પાઈ કેમેરો રાખ્યો હતો.

પોલીસ કરી રહી છે શખ્સની પુછપરછ

આ વિકૃત માનસિકતા ધરાવતા આ શખ્સ સામે મહિલાએ ફરિયાદ દાખલ કરી હતી. ત્યાર બાદ પોલીસે તપાસનો ધમધમાટ શરૂ કર્યો હતો, અને વેરાવળ પોલીસે સમગ્ર મામલે ગોપાલ વણીક નામના આ યુવાનની ધરપકડ કરી આ વિકૃત માનસિકતા ધરાવતા શખ્સનો મોબાઈલ કબજે કર્યો છે. તો બીજી તરફ એવું પણ જાણવા મળ્યું હતું કે આ શખ્સ બાથરૂમની જાળીમાં ગોઠવેલો કેમેરો મહિલાએ જોય લીધા બાદ ભાંડો ફૂટ્યો હતો અને તે કેમેરો ત્યાંથી લઈ નાસી છૂટ્યો હતો. જો કે આ આખરે મહિલાએ ફરિયાદ નોંધાવતા પોલીસે આ શખ્સની ધરપકડ કરી છે. અને હાલ પોલીસ આ શખ્સની પુછપરછ કરી જાણવા પ્રયાસ કરી રહી છે કે કેટલા સમય પહેલા કેમેરો લગાવ્યો હતો, અને સ્પાઇ કેમેરા લગાવવા પાછળનું કારણ શું હતું.