- સુરતમાં ખુલ્લી જીપમાં સ્ટંટ કરતા યુવકોનો વીડિયો વાયરલ
- SOU ખાતે કારની વિન્ડોમાં બેસી યુવતીએ કરી જોખમી સવારી
- સ્ટંટબાજોનો વીડિયો સોશિયલ મીડિયામાં થયો વાયરલ
રાજ્યમાં વધતી અકસ્માતની ઘટનાઓ વચ્ચે સ્ટંટબાજો બેફામ બન્યા છે. રોજ કોઇના કોઇ જિલ્લામાંથી સ્ટંટબાજોનો વીડિયો વાયરલ થઇ રહ્યા છે.. આ સ્ટંટબાજો સસ્તી પ્રસિદ્ધિ મેળવવા માટે અન્ય લોકોના જીવ જોખમમાં મુકી રહ્યા છે. સુરત અને નર્મદા જિલ્લામાંથી વધુ કેટલાક સ્ટંટબાજોનો વીડિયો વાયરલ થયો છે. જેમાં સ્ટંટબાજો રીતસરનો પોલીસને પડકાર ફેંકી રહ્યા હોય તેવી લાગી રહ્યું છે. સુરતમાં ચાલુ જીપમાં બોનેટ પર 2 યુવક ડાન્સ કરતા જોવા મળી રહ્યા છે. તો નર્મદામાં સ્ટેચ્યુ ઓફ યુનિટી પાસેના રોડ ચાલુ કારમાં એક યુવતી બારી પર બેસતી જોવા મળી હતી. ત્યારે વારંવાર આવા સ્ટંટ કરીને હાઇવે પર પોતાના અને અન્ય લોકોના જીવ જોખમમાં મુકનારાઓ પર ક્યારે અકુંશ આવશે તે મોટો સવાલ છે. હાલ તો પોલીસ આવા સ્ટંટબાજો સામે સખત કાર્યવાહી કરે તેવી માગ ઉઠી છે.
સુરતમાં 2 યુવકો સ્ટંટ બાજી કરતો વીડિયો વાયરલ થયો
સુરતમાં ખુલ્લી જીપમાં 2 યુવકો સ્ટંટ કરતા નજરે પડ્યા હતા. સરથાણ પોલીસે વિડીયો બાબતે ગુનો નોંધી તપાસ શરૂ કરી છે. ત્રણ મહિનાં પહેલા વીડિયો બનાવ્યો હતો. ખુલ્લી જીપમાં આગલ બોનેટ પર ડાન્સ કરતા નજપે પડ્યો હતો. આ વીડિયો સોશિયલ મીડિયામાં વીડિયો વાયરલ થયો હતો. ત્યારે આ બાબતે પોલીસે વીડિયો બાબતે ગુનો નોંધી તપાસ હાથ ધરી છે.
યુવતીની જોખમી સફર જોઈ અન્ય વાહન ચાલકો પણ ગભરાઈ ગયા હતા
ભરૂચ પાસિંગની કારમાં એક યુવતી સ્ટેચ્યુ ઓફ યુનિટી પાસેનાં રોડ પરથી પસાર થઈ રહી હતી. ત્યારે અચાનક જ યુવતી કારની બારીમાંથી બહાર નીકળે છે. ત્યારે યુવતી દ્વારા આવી રીતે અચાનક જ કારમાંથી બહાર આવતા રોડ પરથી પસાર થતા વાહન ચાલકો પણ થોડાક સમય માટે તો ગભરાઈ જવા પામ્યા હતા. બાજુમાંથી કોઈ વાહન આવી જાય તો અકસ્માત પણ થઈ શકે છે.
BRTS રૂટમાં જોખમી રિલ્સ બનાવતા યુવાનોનો વિડિયો વાયરલ
સુરતમાં BRTS રૂટમાં જોખમી રિલ્સ બનાવતાં યુવાનોનો વીડિયો વાયરલ થયો છે. ત્યારે હીરાબાગ BRTS રૂટમાં રિલ્સ બનાવતા યુવાનોનો વીડિયો વાયરલ થયો છે. રિલ્સનાં ચક્કરમાં યુવાનોને જીંદગીની ચિંતા કરતા નથી. ત્યારે યુવકો BRTS બસ સ્ટેન્ડમાં પ્રવેશવા માટે જે બેરીકેટ લગાવ્યા છે તેનાં ઉપર ઉભા રહી રિલ્સ બનાવી હતી.
