- દેશભરમાં વરસાદને કારણે લોકો થઈ રહ્યાં છે પરેશાન
- UPમાં વરસાદને લીધે 19 લોકોનું મોત નોંધાયું
- IMDએ UPમાં રેડ એલર્ટ જારી કર્યું
દેશનાં અનેક રાજ્યમાં સતત વરસાદને લીધે લોકોને મુશ્કેલીઓનો સામનો કરવો પડી રહ્યો છે. ઉત્તરપ્રદેશનાં અનેક વિસ્તારોમાં તો પૂર જેવી સ્થિતિ થઈ ગઈ છે જ્યારે Delhi NCRનાં અનેક વિસ્તારોમાં જળબંબાકાર જોવા મળી રહ્યો છે. યૂપીમાં વરસાદ સાથે સંકળાયેલી ઘટનાઓમાં 19 લોકોનું મોત જ્યારે 140 ઘેટાંનું મૃત્યુ નોંધાયું છે. વરસાદનાં કારણે ઉત્તરાખંડમાં પણ ભૂસ્ખલન થયું છે. હવામાન વિભાગે અનેક રાજ્યો માટે આવનારાં થોડા દિવસોમાં ભારે વરસાદની આગાહી કરી છે.
ઉત્તરપ્રદેશ માટે રેડ એલર્ટ
IMDએ પૂર્વી ઉત્તરપ્રદેશ માટે રેડ એલર્ટ જારી કર્યું છે. તેમણે સોમવારે કરેલી પોસ્ટમાં લખ્યું કે પૂર્વી ઉત્તરપ્રદેશમાં 11 સપ્ટેમ્બરનાં અતિભારે વરસાદ થવાની સંભાવના છે. વરસાદનાં આ મોસમમાં તમને સૌને આગ્રહ છે કે કાચાં અને ભારી જળભરાવવાળા ક્ષેત્રોમાં જવાથી બચવું.
દિલ્હીનાં કેટલાક વિસ્તારોમાં વરસાદની આશંકા
હવામાન વિભાગે દિલ્હીમાં સોમવારે આંશિકરૂપે વરસાદ થવાની સંભાવના વ્યક્ત કરી છે. તટીય આંધ્રપ્રદેશ માટે ઓરેન્જ એલર્ટ જારી કરવામાં આવ્યો. હવામાન વિભાગે કહ્યું કે 11 સપ્ટેમ્બરનાં તટીય આંધ્રપ્રદેશમાં ભારેથી અતિભારે વરસાદની સંભાવના છે.
UPમાં અનેક સ્થળોએ પાણી ભરાયા
ઉત્તરપ્રદેશનાં બારાબંકીમાં છેલ્લાં થોડા દિવસોથી સતત વરસાદ વરસી રહ્યો છે જેના લીધે અનેક સ્થળોએ જળભરાવની સમસ્યા જોવા મળી રહી છે. બારાબંકી રેલ્વે સ્ટેશન પર પણ ભારે વરસાદની અસર જોવા મળી અને રેલ્વે ટ્રેકમાં પણ પાણી ભરાઈ ગયું છે.
