સ્વાસ્થ્ય / નાની ઉંમરમાં ટાલ પડવાથી બચવું હોય તો રોજ ખાઓ આ એક વસ્તુ, હેરફૉલની સમસ્યા થશે દૂર

• આ સુપરફૂડનું નામ અળસી છે
• અળસીનાં બીજ માથાની ત્વચાને પોષણ આપે છે
• માથાની ત્વચામાં થતો સોજો પણ દૂર થાય છે

આજના સમયમાં સ્ત્રી હોય કે પુરુષ દરેક વ્યક્તિ હેરફૉલની સમસ્યાથી પરેશાન છે. એક દિવસમાં 100 વાળ ખરવા એ સામાન્ય બાબત માનવામાં આવે છે, પણ જો તેનાથી વધુ વાળ ખરે તો તમારે સમજી જવું જોઈએ કે તમને હેરફૉલની સમસ્યા થઈ ગઈ છે. 

હેરફૉલનું કારણ 
શરીરમાં પોષક તત્વોની ઉણપનાં કારણે, કોઈ તબીબી સમસ્યાઓનાં કારણે, હોર્મોન્સનાં ફેરફારને કારણે અથવા વધુ પડતાં તણાવને કારણે હેરફૉલની સમસ્યા સર્જાય છે. તમારે આ સમસ્યાથી બચવા માટે આ સુપરફૂડનું સેવન કરવું જોઈએ. તેનાથી તમારી હેરફૉલની સમસ્યા સમાપ્ત થઈ જશે. 

અળસીનાં બીજનું સેવન 
આ સુપરફૂડનું નામ અળસી છે. અળસીમાં એન્ટીઓક્સિડેન્ટ અને ઓમેગા 3 જેવા અન્ય કેટલાક જરૂરી પોષક તત્વો હોય છે. આ સાથે અળસીનાં બીજમાં વિટામિન E પણ હોય છે. તેથી તે વાળને મજબૂત બનાવવાનું કામ કરે છે અને વાળને તૂટતાં અટકાવે છે. 

વાંચવા જેવું: થાઇરોઇડને કંટ્રોલમાં રાખવાના જોરદાર નુસખા,આ 3 જ્યુસ પીવાથી બીમારીમાંથી મળશે રાહત

વાળનાં વિકાસ માટે ફાયદાકારક 
અળસીનાં બીજ માથાની ત્વચાને પોષણ આપે છે. આ સાથે તે મુક્ત રેડિકલ દ્વારા થતાં નુકસાનને પર ઘટાડવાનું કામ કરે છે. અળસીનાં બીજનાં સેવનથી વાળનો વિકાસ સારી રીતે થઈ શકે છે. આ સાથે ખોપરી ઉપરની ત્વચામાં રક્ત પ્રવાહ સારી રીતે થાય છે. અળસીનાં બીજનાં સેવનથી માથાની ત્વચામાં થતો સોજો પણ દૂર થાય છે.