લીવર શરીરનું મહત્વપૂર્ણ અંગ છે. તેથી તે યોગ્ય રીતે કામ કરવું જોઈએ. લીવર સારી રીતે કામ કરે તો જ પાચન તંત્ર મજબૂત બને છે. યોગ્ય રીતે ખોરાકનું પાચન થાય તો શારીરક સ્વાસ્થ્ય સારું રહે છે. ઘણા લોકો ખરાબ આહારનું સેવન કરે છે અને ગંદુ પાણી પીવે છે. જેના કારણે તેમના લીવરને નુકસાન પહોંચે છે. વધુ પ્રમાણમાં દારૂના સેવનના કારણે પણ લીવર ખરાબ થઈ શકે છે. જેના કારણે લીવરનું કેન્સર વગેરે જેવી ગંભીર બીમારીઓ થઈ શકે છે. તમારે લીવરને લગતા આ 5 લક્ષણોને નજરઅંદાજ ન કરવા જોઈએ.
તાવ અને સાંધાનો દુ:ખાવો
લીવર ખરાબ થતાં જ હીપેટાઇટિસની સમસ્યા થવી એ સામાન્ય બીમારી છે. તેના કારણે લીવરમાં સોજો આવી જાય છે. જેથી તમને તાવ રહે છે. તાપમાન વધવાને કારણે થાક લાગે, માથામાં દુ:ખાવો થાય અને સાંધામાં પણ દુ:ખાવો થવા લાગે છે. તમને તાવ અન્ય કારણોસર પણ આવી શકે છે.
પીળાસ પડતો પેશાબ થવો
ડોકટરોના જણાવ્યા મુજબ હીપેટાઇટિસ B થી સંક્રમિત લોકોને પીળાસ પડતો પેશાબ થવા લાગે છે. તમને આ લક્ષણો જોવા મળે તો તમારે તાત્કાલિક ડોક્ટરની મુલાકાત લેવી જોઈએ.
ઊલટી થવી અને ભૂખ ન લાગવી
હીપેટાઇટિસ B થી સંક્રમિત લોકોના લીવરમાં સોજો જોવા મળે છે. જેના કારણે ઊલટી થાય છે, ચક્કર આવે છે અને ભૂખ પણ નથી લાગતી.
તમારા શરીરનો રંગ પીળો થઈ શકે છે
લીવરમાં સોજા અને સંક્રમણને કારણે તમને કમળો થઈ શકે છે. જેના કારણે તમારી ત્વચા પીળી પડવા લાગે છે. આ હીપેટાઇટિસ B ના કારણે છે કે પછી કમળાના કારણે તે જાણવા માટે તમારે ડોક્ટરની મુલાકાત લેવી જોઈએ.
વાંચવા જેવું: મેનોપોઝ બાદ મહિલાઓમાં વધી જાય છે હાર્ટએટેકનો ખતરો; જાણો કારણ અને બચાવ માટેના ઉપાય
તમારું વજન ઘટી શકે છે અને પેટમાં દુ:ખાવો વધી શકે છે
જો તમારું લીવર વધુ સંક્રમિત થઈ ગયું હોય તો તેની સીધી અસર તમારા પેટ પર જોવા મળે છે. તમને ભૂખ નથી લાગતી જેના કારણે તમારો વજન ઘટવા લાગે છે. જો લિવરની જગ્યાએ પેટમાં દુ:ખાવો થતો હોય તો તમારે ડોક્ટરની મુલાકાત લેવી જોઈએ.
