મુદ્દત / અમદાવાદીઓ પ્રોપર્ટી ટેક્સ ભરવાનો બાકી હોય તો આજે જ ભરી દેજો, મહાનગર પાલિકાએ લીધો છે મોટો નિર્ણય

• બાકી પ્રોપર્ટી ટેક્સ મામલે મહાપાલિકા સખ્ત 
• પુરે પુરી રકમ ભરે તો જ વ્યાજ માફી મળશે 
• 2751એકમોનો 1 લાખથી વધુ ટેક્સ બાકી -સીલ 

અમદાવાદ મહાનગર પાલિકાએ  બાકી પ્રોપર્ટી ટેક્સ સિલિંગ મામલે એક મોટો અને મહત્વનો  નિર્ણય  કર્યો છે. મહાનગર પાલિકાએ 1 લાખથી વધુની બાકી રકમ પર કાર્યવાહી માટે SOP બનાવવા સાથે વ્યાજ માફી અથવા બિલ રકમના બે હપ્તા કરવાનો એક જ ઓપ્શન આપવા નિર્ણય કર્યો છે. જેમાં પુરે પુરી રકમ ભરે તો વ્યાજ માફી મળશે. જે બે હપ્તા કરશે તો વ્યાજ માફ નહી થાય. આ મામલે સિલિંગની કાર્યવાહીનો ઝોન અધિકારીને રિપોર્ટ થશે. આવામાં જો ગેરરીતિ સામે આવશે તો કાર્યવાહી થશે. અત્યાર સુધીમાં 1 લાખથી વધુ ટેક્સ બાકી હોય તેવી 2751 એકમો સીલ કરાયા છે. હવે આગામી સમયમાં 50 હજારના ટેક્સ બાકી મામલે કાર્યવાહી થશે.  
 
પહેલી ફેબ્રુ.થી મહાપાલિકા એ હાથ ધરેલી સીલીંગ ઝુંબેશ  દરમિયાન છેલ્લા ત્રણ દિવસથી 300થી વધુ એવી મિલકતો સીલ કરાઈ છે. AMCએ  પ્રોપર્ટી ટેક્સમાં 1 જાન્યુઆરીથી 31 માર્ચ 2022 સુધી એમ ત્રણ મહિના માટે વ્યાજ માફી સ્કિમ અમલમાં મૂકી છે. માફીની રાહત અપાતી હોવા છતાં કેટલાક ટેક્સ પેયરો  ટેક્સ ન ભરતાં કોર્પોરેશને આવા લોકો સામે  કડક કાર્યવાહી શરૂ કરી છે. 1 ફેબ્રુઆરીથી સિલિગ ઝૂંબેશ શરૂ કરાઇ છે.