બોલિવૂડ / 'હું ડાયેરક્ટરને ના ન પાડી શકી', ઉર્ફી જાવેદે કહ્યો કાસ્ટિંગ કાઉચનો કિસ્સો, બોલીવુડવાળાને શિકારી ગણાવ્યાં

• ઉર્ફી જાવેદને 'બિગ બોસ ઓટીટી'ની પ્રથમ સિઝનથી લોકપ્રિયતા મળી
•  પહેલા ઉર્ફીને અંદાજ ન હતો કે તેને આટલી લોકપ્રિયતા મળશે
• ઉર્ફી હાલમાં જ 'બિગ બોસ ઓટીટી 2'માં જોવા મળી હતી

ઉર્ફી જાવેદને 'બિગ બોસ ઓટીટી'ની પ્રથમ સિઝનથી લોકપ્રિયતા મળી હતી. તે એક અઠવાડિયા સુધી શોમાં રહી અને જ્યારે તે બહાર આવી તો તે રાતોરાત સ્ટાર બની ગઈ.  પહેલા ઉર્ફીને અંદાજ ન હતો કે તેને આટલી લોકપ્રિયતા મળશે.  તેને અગાઉ મુંબઈમાં ખૂબ સંઘર્ષનો સામનો કરવો પડ્યો હતો. આટલું જ નહીં તેને કાસ્ટિંગ કાઉચનો પણ સામનો કરવો પડ્યો છે. ઉર્ફીએ એક ઈન્ટરવ્યુમાં જણાવ્યું કે કેવી રીતે એક ડાયરેક્ટરે તેને ઓડિશનના નામ પર તેની ગર્લફ્રેન્ડ હોય તેવી એક્ટિંગ કરવા કહ્યું. તે સમયે ઉર્ફી તેને ના પાડી શકી નહીં.

લોકો લાભ લેવાનો પ્રયાસ કરે છે
ઉર્ફી કહે છે કે ફિલ્મ ઈન્ડસ્ટ્રીઝ એવા લોકોથી ભરેલી છે. જેઓ તક મળતાં જ તેનો લાભ લેવા માંગે છે. બોલિવૂડ બબલના પોડકાસ્ટ લેટ્સ ટોક પર બોલતા, ઉર્ફીએ કહ્યું, "આપણે જે ફિલ્મ ઈન્ડસ્ટ્રીઝમાં છીએ તે શિકારીઓથી ભરેલી છે. આપણે ના કહેવાની જરૂર છે નહીં તો તેઓ સંપૂર્ણ લાભ લેશે. કેટલાક લોકોએ તે કરવાનો પ્રયાસ પણ કર્યો છે. હું ઘણી પરિસ્થિતિઓમાંથી પસાર થઈ છું.  ઘણી વખત જ્યારે મારે 'ના' કહેવું જોઈતું હતું પણ હું  ના કહી શકી નહી."

ડિરેક્ટરને મનાવી શક્યા નહીં
ઉર્ફીએ વધુમાં ઉમેર્યું, “મને યાદ છે કે જ્યારે હું હમણાં જ મુંબઈ શિફ્ટ થઈ હતી. ત્યારે એક ડિરેક્ટરે મને ઓડિશન માટે તેમના ઘરે બોલાવી હતી. તેણે મને કહ્યું હતું કે, 'તું મારી ગર્લફ્રેન્ડ છે એવી રીતે એક્ટીંગ કર,' મારી નજીક આવો અને મને ગળે લગાડ. .' મેં કહ્યું કે આ કેવું ઓડિશન છે પણ ના કહેવાને બદલે મેં ખચકાટથી તેને ગળે લગાડ્યો અને કહ્યું સર હું જાઉં છું.
પૂજા માટે પોસ્ટ લખી
ઉર્ફી હાલમાં જ 'બિગ બોસ ઓટીટી 2'માં જોવા મળી હતી. ઉર્ફી એલ્વિશના વખાણ કરતી જોવા મળી હતી. આ સિવાય તેણે પૂજા ભટ્ટને સપોર્ટ કર્યો હતો. તેણે સોશિયલ મીડિયા પર એક પોસ્ટ લખીને પૂજાને પોતાનું સમર્થન પણ વ્યક્ત કર્યું હતું. ઉર્ફીએ કહ્યું કે તે એક મજબૂત મહિલા છે.