ભયાનક / VIDEO : બાપ રે ! આવી સ્પીડમાં કાર, મોર્નિંગ વોક કરી રહેલી ત્રણ મહિલાઓને આંખના પલકારામાં કચડી નાખી

• હૈદ્રાબાદમાં ભયાનક હીટ એન્ડ રનનો કેસ
• ઓવરસ્પિડમાં આવતી કારે 3 મહિલાઓને કચડી 
• અન્ય 4 લોકોની પણ સ્થિતિ ગંભીર

Hyderabad hit and run: હૈદ્રાબાદમાં મંગળવારે સવારે એક કારે મોર્નિંગ વૉક કરતી 3 મહિલાઓને કચડી નાખી. આ દુર્ઘટનામાં માતા અને પુત્રી સહિત તૃતિય મહિલા પણ મૃત્યુ પામી છે. જ્યારે અન્ય 4 લોકો ઘાયલ થતાં તેમને સારવાર હેઠળ હોસ્પિટલમાં દાખલ કરાયા છે. હૈદ્રાબાદનો આ હીટ એન્ડ રનની દુર્ઘટના CCTVમાં કેદ થઈ હતી. વીડિયો જોઈને તમારા પણ રૂંવાટા ઊભા થઈ જશે.

VIDEO | Two women and a child on morning walk died after being hit by a speeding car on Hydershakote Main Road in Hyderabad earlier today. pic.twitter.com/BmAgtdLRXK

— Press Trust of India (@PTI_News) July 4, 2023

વીડિયોમાં જોઈ શકાય છે કે રોડ પર નાનકડો વળાંક છે. ડ્રાઈવર મહિલાઓને જોઈને બ્રેક તો લગાવે છે પરંતુ કારની સ્પીડ એટલી વધારે હતી કે તે કંટ્રોલ ન થઈ. કારનો પાછળનો ભાગ ફુટપાથ સાથે અથડાય છે જે બાદ આ ત્રણેય મહિલાઓ અડફેટે આવી જાય છે.    છેલ્લે આ ગાડી ઝાડીઓમાં ધસી જાય છે.

3 મહિલાઓનું મોત, 4 ઘાયલ
પોલીસે જણાવ્યું કે આ દુર્ઘટના સવારે આશરે 6.10 વાગ્યાની આસપાસ હૈદરશકોટે મેઈન રોડ પર બની છે.આ દુર્ઘટનામાં વૉક કરી રહેલી 3 મહિલાઓમાંથી 3 મહિલાઓ માતા અને પુત્રી અને અન્યનું દુ:ખદ મૃત્યુ થયું છે. જ્યારે અડફેટે આવેલ અન્ય 4 લોકો ઓસ્માનિયા હોસ્પિટલમાં સારવાર હેઠળ છે. પ્રત્યક્ષદર્શીઓએ જણાવ્યું કે કાર ઓવર સ્પીડમાં હતી અને ડ્રાઈવરે કંટ્રોલ ગુમાવી બેસતાં આ એક્સિડેન્ટ થયો છે.