ઘટના / સહન ન થયું તો મરવાનું નક્કી કર્યું.! ભાવનગરમાં પત્નીના ઘરકંકાસથી કંટાળી પતિએ કર્યો આત્મહત્યાનો પ્રયાસ, પોલીસ સ્ટેશન બહાર પેટ્રોલ છાંટ્યું

• ઘરકંકાસને કારણે પતિએ કર્યો આત્મહત્યાનો પ્રયાસ 
• પોલીસ સ્ટેશન બહાર પેટ્રોલ છાંટી આપઘાતનો પ્રયાસ
• પીડિત માનસિત રીતે અસ્થિર હોવાનું આવ્યું સામે

ભાવનગરના નારી ગામમાં ઘરકંકાસની એક ઘટના સામે આવી છે. ઘણી વખતે ઘરકંકાસમાં મહિલાઓ ગૃહક્લેશનો ભોગ બનતી હોય છે પરંતુ આ વખેત પરીણિત પુરુષ ગૃહકલેશનો ભોગ બન્યો છે. ગૃહકલેશને કારણે એક પરિણિત પુરુષે આત્મહત્યાનો પ્રયાસ કર્યો છે. ભાવનગરના વરતેજ પોલીસ સ્ટેશને જઈ પરિણિત યુવકે પોતાના શરીર ઉપર પેટ્રોલ છાંટી આગ લગાવી આત્મહત્યાનો પ્રયાસ કરતા ચકચાર મચી જવા પામી હતી. 

પત્નીના ત્રાસથી યુવકે અગાઉ પણ કર્યા અનેક પ્રયાસ
પીડિત જીતેશભાઈ રાઠોડના પરિવારનો તેની પત્ની પર આક્ષેપ કરી રહ્યા છે કે, જીતેશની પત્ની તેમના સંતાનોને લઈ દરેક પ્રકારના મેડિકલ અને અભ્યાસના કાગળીયા લઈ સુરત ચાલી ગઈ છે, પીડિતે પોલીસમાં અરજી આપી છતાં કોઈ કાર્યવાહી ન થતા યુવકે આપઘાતનો પ્રયાસ કર્યો છે.

પોલીસે સમગ્ર મામલે ફરિયાદ નોંધી તપાસ હાથ ધરી
આત્મહત્યાનો પ્રયાસ કરનાર યુવક જીતેશભાઈ રાઠોડ માનસિક રીતે અસ્થિર હોવાનું પોલીસની પ્રાથમિક તપાસમાં બહાર આવ્યું છે. યુવકે જ્યારે પોલીસ સ્ટેશન બહાર આત્મહત્યાની કોશિશ કરી તો હાજર રહેલા પોલીસે તેમના પર ધાબળાઓ નાખીને આગ ઓલવી તાત્કાલિક સિવિલ હોસ્પિટલમાં ખસેડવામાં આવ્યા હતા. અગાઉ પણ અનેક વખત યુવતે પત્નીના ત્રાસથી આત્મહત્યાનો પ્રયાસ કર્યો છે. પોલીસે સમગ્ર મામલે ફરિયાદ નોંધી તપાસ હાથ ધરી છે.