તમારા કામનું / ટૂ-વ્હીલરનું રજીસ્ટ્રેશન ઓનલાઈન ટ્રાન્સફર કરી શકાય? એક પણ ધક્કો ખાધા વગર આ રીતે ઘરે બેઠા ફટાફટ પતાવો કામ

• સૌથી પહેલા તમારી પાસે બધા જરૂરી દસ્તાવેજ હોવા જોઈએ 
• તમારૂ પરિવહન વેબસાઈટ પર એકાઉન્ટ પણ હોવું જોઈએ 
• હાલના માલિક અને નવા માલિકની જાણકારી પણ ભરવાની રહેશે 

જો તમે પણ કોઈ સેકેન્ડ હેન્ડ ટૂ-વ્હીલર ખરીદવા માંગો છો તો અમે તમને રજીસ્ટ્રેશન ટ્રાન્સફરની ઓનલાઈન પ્રોસેસ જણાવવામાં જઈ રહ્યા છીએ. આજ-કાલ મોટાભાગના રાજ્યોમાં આ કામને ઓનલાઈન કરી દેવામાં આવ્યું છે. જોકે આ પ્રોસેસ અલગ અલગ રાજ્યોના હિસાબથી અલગ અલગ હોઈ શકે છે. અહીં અમે તમને સંપૂર્ણ પ્રોસેસ જણાવવા જઈ રહ્યા છીએ. 

આ દસ્તાવેજની પણ પડશે જરૂર 
સૌથી પહેલા તમારી પાસે બધા દસ્તાવેજ હોવા જોઈએ જેમાં વાહનનું રજીસ્ટ્રેશન સર્ટિફિકેટ, ઈન્શ્યોરન્સ, પોલ્યુશન સર્ટિફિકેટ, એડ્રેસ પ્રૂફ, ફોર્મ 28, ફોર્મ 30, ફોર્મ 29 અને ફોર્મ 31 શામેલ છે. જો વાહન કોઈ બેન્કથી ફાઈનાન્સ છે તો ફોર્મ 35ની પણ જરૂર હોય છે. 

સાથે જ તમારૂ પરિવહન વેબસાઈટ પર એકાઉન્ટ પણ હોવું જોઈએ. જેમાં તમારો મોબાઈલ નંબર રજીસ્ટર્ડ હોવો જરૂરી છે. નંબરની જરૂર એટલે છે કારણ કે વેરિફિકેશન માટે તમને વેબસાઈટથી એક ઓટીપી મળે છે. 

આ રીતે કરો એપ્લાય 
દસ્તાવેજ તૈયાર કર્યા બાદ તમે સૌથી પહેલા પરિવહન વેબસાઈટ પર જાવો અને 'ઓનલાઈન સર્વિસ'ને સિલેક્ટ કરો. પછી 'વાહન સંબંધી સેવાઓ' પસંદ કરો, જ્યારે બાદ તમારે રાજ્યની પસંદગી કરવાની રહેશે. બીજુ પગલું વાહનના રજીસ્ટ્રેશન નંબર અને ચેસિસ નંબર એડ કરવાનો રહેશે. પછી અરજી કરનારને એક જરૂરી એપ્લીકેશનને સિલેક્ટ કરવાનું રહેશે. ત્યાર બાદ વેબસાઈટના હાલના માલિક અને નવા માલિકની જાણકારી ભરવાની રહે છે. 

આ રીતે થાય છે વેરિફિકેશન 
દરેક જાણકારી ભર્યા બાદ આધાર કાર્ડ અને ઓટીપી દ્વારા વેરિફિકેશન કરવામાં આવે છે. છેલ્લે એક ફિની ચુકવણી કરવામાં આવે છે અને રસીદ સંભાળીને તમારી પાસે રાખી લો. અમુક રાજ્યોમાં આરટીઓ નવા માલિકના એડ્રેસ પર નવું રજીસ્ટ્રેશન સર્ટિફિકેટ મોકલે છે અને અમુક રાજ્યોમાં અરજી કરનારને ઓરટીઓ જવાની જરૂર પણ નથી પડતી. આ વાત એક રાજ્યથી બીજા રાજ્ય પર નિર્ભર કરે છે.