- નવા કપડાં ધોવામાં આવે ત્યારે કલર નીકળે છે
- પહેલી વાર કપડાં ધોવો ત્યારે કલર નીકળે છે?
- આ ટિપ્સથી કપડાંનો રંગ ક્યારેય પણ નહીં નીકળે
જ્યારે પણ બજારમાંથી કપડાં ખરીદીએ ત્યારે વિચારીએ છીએ કે, આ કપડાંનો રંગ નહીં નીકળે. કોટનના વાદળી, લાલ અને ગુલાબી રંગના કપાડાંનો રંગ ઉતરે જ છે. પહેલી વાર કપડાં ધોવામાં આવે ત્યારે સૌથી વધુ રંગ નીકળે છે. બીજી થવા ત્રીજી વાર કપડાં ધોવાથી આ કપડાંનો રંગ નીકળતો નથી. આ કપડાનો રંગ ફીકો પડી જાય છે અને તે પહેરવાલાયક રહેતા નથી. જેના કારણે મહિલાઓએ વધુ કામ કરવું પડે છે. અહીંયા અમે તમને કેટલીક એવી ટિપ્સ જણાવી રહ્યા છીએ, જેથી તમારા કપડાંનો રંગ ક્યારેય પણ નહીં નીકળે.
મીઠાંનો ઉપયોગ
- સૌથી પહેલા પાણીની અડધી ડોલ ભરો અને તેમાં 50-60 ગ્રામ ફટકડી નાખો.
- હવે તેમાં બે મુઠ્ઠી મીઠું નાખો.
- કપડાં ખોલીને ધીમે ધીમે તે પાણીમાં નાખો.
- કપડાંને બે કલાક સુધી પલાળીને રાખો.
- હવે એક એક કપડું બહાર કાઢીને સાફ પાણીમાં નાખો, જેથી તેમાંથી મીઠુ અને ફટકડી સરખી રીતે નીકળી જાય.
- ઘણા કપડાંનો રંગ ફિક્સ થઈ જાય છે. તેમ છતાં કેટલાક કપડાંનો રંગ નીકળે તો તે માત્ર એકવાર જ નીકળશે. ત્યારપછી કપડાંનો રંગ પમેળે ફિક્સ થઈ જશે.
વિનેગર-
કપડામાં મીઠુ અને ફટકડી નીકળી જાય તે માટે વિનેગરનો ઉપયોગ કરી શકો છો. કપડાંનો કલર ફરીથી ના નીકળે તે માટે તેને વિનેગરના પાણીમાં નાખી દો. કપડાં અડધા કલાક સુધી પલાળીને રાખો. ત્યારપછી કપડાં કાઢીને ઝાપટીને સૂકવી દો. કપડાં છાંયામાં સૂકવવા જેથી તે કલર ફેડ ના થઈ જાય.
ફેબ્રિક ડાઈનો ઉપયોગ-
વારંવાર કપડાં ધોવાથી કલાર નીકળે છે, જેના કારણે કપડાં ખરાબ થઈ જાય છે અને કપડાં પહેરવાલાયક રહેતા નથી. કપડાં ધોતા સમયે તમે ફેબ્રિક ડાઈનો ઉપયોગ કરી શકો છો. ફેબ્રિક ડાઈનો ઉપયોગ કરતા પહેલા કપડાં પર લાગેલ લેબલ ધ્યાનથી વાંચી લેવું.
વધુ વાંચો: ફ્રિજરમાં થઈ જાય છે બરફનો પહાડ? ફ્રિજ ખરાબ થવાનો ખતરો, આ 4 ટ્રિક કાઢશે કામ
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતીને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
