કરૂણતા / અરેરેરે! આ કેવી લાચારી? સુરતમાં એક જ દિવસમાં 7 લોકોએ જીવન ટૂંકાવ્યું, કારણ છે ચોંકાવનારા

• વરસાદી વાતાવરણ વચ્ચે સુરતથી એક ચોંકાવનારા સમાચાર 
• સુરત શહેરમાં એક જ દિવસમાં 7નો આપઘાત 
• તણાવ અને બેરોજગારી મુખ્યકારણ 

ગુજરાતમાં વરસાદી વાતાવરણ વચ્ચે સુરતથી એક ચોંકાવનારા સમાચાર સામે આવ્યા છે. વાત જાણે એમ છે કે, સુરતમાં એક જ દિવસમાં 7 લોકોએ આત્મહત્યા કરી લીધી હોવાનું સામે આવ્યું છે. 7 અલગ-અલગ વ્યક્તિઓને કોઇને કોઈ કારણસર પોતાનું જીવન ટૂંકાવી દીધું હતું. જોકે આ તમામ આપઘાત પાછળ તણાવ અને બેરોજગારી મુખ્યકારણ હોવાનું સામે આવ્યું છે. 

એક જ દિવસમાં 7 લોકોએ આત્મહત્યા 
સુરત શહેરમાં એક જ દિવસમાં 7 લોકોએ આત્મહત્યા કરી લેતા ચકચાર મચી ગઈ છે. આ તરફ હવે તણાવ અને બેરોજગારી આપઘાતનું મુખ્યકારણ હોવાનું સામે આવ્યું છે. વિગતો મુજબ મીનાબહેને સંતાનો વિદેશમાં હોવાથી તણાવમાં જીવન ટૂંકાવ્યુ તો અનિલ માંડહાકાએ બેરોજગારીથી કંટાળી જીવન ટૂંકાવ્યું હતું. 

આ સાથે ભૂપત આહીરે અગમ્ય કારણોસર ગળેફાંસો લગાવી આત્મહત્યા કરી લીધી છે. તો વિજય ગીરાસેએ બિમારીને કારણે ગળેફાંસો ખાઈ અને સાહીલ શેખે ઘરમાં ગળેફાંસો લગાવી આત્મહત્યા કરી છે. આ સાથે પ્રતિક પરમારે  ઝેરી દવા પી આત્મહત્યા કરી લીધી છે. આ તરફ સુરતમાં એક જ દિવસમાં 7 લોકોએ જીવન ટૂંકાવી લેતા ચિંતાનો વિષય બન્યો છે.