Bullet Train / રેલવે મંત્રીએ બુલેટ ટ્રેન અંગે આપ્યા શુભ સમાચાર, જુઓ ક્યાં પહોંચ્યું કામકાજ

કેન્દ્રીય રેલવે અને આઈટી મંત્રી અશ્વિની વૈષ્ણવે બુલેટ ટ્રેન પ્રોજેક્ટને લઈને મોટા સમાચાર આપ્યા છે. તેમણે મંગળવારે કહ્યું કે દેશની પ્રથમ બુલેટ ટ્રેન માટે વિવિધ સ્ટેશનોના નિર્માણમાં ઘણી પ્રગતિ થઈ છે. 2026 માં અમે એક વિભાગમાં પ્રથમ ટ્રેન ચલાવવા માટે તૈયાર થઈશું. એક ઈન્ટરવ્યુમાં કેન્દ્રીય મંત્રીએ કહ્યું કે અમદાવાદ-મુંબઈ રૂટ પર બુલેટ ટ્રેનનું કામ સારી રીતે ચાલી રહ્યું છે. તેમણે કહ્યું, 290 કિલોમીટરથી વધુનું કામ પૂર્ણ થઈ ગયું છે. આ શ્રેણીમાં 8 નદીઓ પર પુલ બનાવવામાં આવ્યા છે. હાલ 12 સ્ટેશનો પર કામ ચાલી રહ્યું છે. આ સ્ટેશનો પણ તે જ તબક્કે પહોંચી ગયા છે જ્યાં કામ પૂર્ણ થવાના આરે છે.

અશ્વિની વૈષ્ણવે જણાવ્યું કે બુલેટ ટ્રેનને લઈને 2 ડેપો પર કામ ચાલી રહ્યું છે. તેમણે કહ્યું, 'લક્ષ્ય 2026માં તેનો પહેલો વિભાગ ખોલવાનું છે. આ બાબતને ધ્યાનમાં રાખીને કામગીરી ખૂબ જ ઝડપી ગતિએ ચાલી રહી છે. બુલેટ ટ્રેન ખૂબ જટિલ પ્રોજેક્ટ છે. આના પર કામ વર્ષ 2017 માં શરૂ થયું હતું અને ડિઝાઇનને પૂર્ણ કરવામાં લગભગ અઢી વર્ષનો સમય લાગ્યો હતો. કેન્દ્રીય મંત્રીએ કહ્યું, બુલેટ ટ્રેનની ડિઝાઈન જટિલ છે કારણ કે જે ઝડપે ટ્રેન દોડવાની હોય છે, તેમાં ઘણું વાઇબ્રેશન હોય છે. એ સ્પંદનોને કેવી રીતે રોકી શકાય ? આ વિશેની દરેક બાબતને ખૂબ જ કાળજીપૂર્વક જોવાની જરૂર છે. આના પર વધુ કામ ટૂંક સમયમાં શરૂ થશે.

વધુ વાંચો : 1000 વર્ષ જુની ભોજશાળાના ખોદકામમાં હાથ લાગી આ વસ્તુ, ASIનો મોટો ખુલાસો

આણંદ બુલેટ ટ્રેન સ્ટેશનનું કામ ચાલુ

ગુજરાતમાં આણંદ બુલેટ ટ્રેન સ્ટેશનનું નિર્માણ કાર્ય પણ પ્રગતિમાં છે. નેશનલ હાઈ સ્પીડ રેલ કોર્પોરેશન લિમિટેડના પ્રવક્તા સુષ્મા ગૌરે જણાવ્યું કે સ્ટેશન માટે પાઈલીંગનું કામ ડિસેમ્બર 2021માં શરૂ કરવામાં આવ્યું હતું. હાલમાં 100 ટકા કોન્કોર્સ સ્લેબ, ટ્રેક સ્લેબ અને સ્ટ્રક્ચરલ સ્ટીલનું કામ પૂર્ણ થયું છે. તેમણે કહ્યું કે આણંદ શહેરને ભારતના દૂધ શહેર તરીકે ઓળખવામાં આવે છે. આણંદ બુલેટ ટ્રેન સ્ટેશનનો અગ્રભાગ અને આંતરિક ડિઝાઇન દૂધના ટીપાંની પ્રવાહી પ્રકૃતિ, આકાર અને રંગથી પ્રેરિત છે. આણંદ બુલેટ ટ્રેન સ્ટેશનની ખાસિયતો... પ્લેટફોર્મની લંબાઈ - 415 મીટર, સ્ટેશનની ઊંચાઈ - 25.6 મીટર, કુલ બિલ્ટ અપ એરિયા - 44,073 ચો.મી., સ્ટેશનમાં ત્રણ માળ હશે જેમાં 2 બાજુના પ્લેટફોર્મ અને વચ્ચે ચાર ટ્રેક હશે.