જીવદયા / લમ્પીગ્રસ્ત ગાયો માટે 5 દિવસમાં જ ઉભી કરી દીધી હોસ્પિટલ, બનાસકાંઠાના બિલ્ડરની સરાહનીય કામગીરી

• બનાસકાંઠામાં લમ્પીને લઇ બનાવાઇ હોસ્પિટલ
• જાણીતા બિલ્ડર પી.એન.માળીની સરાહનીય કામગીરી
• કલેક્ટર દ્વારા હોસ્પિટલનું કરાયું ઉદઘાટન

 બનાસકાંઠામાં ઘણા સમયથી પશુઓમાં આવેલ લમ્પી વાયરસના કારણે જિલ્લામાં અનેક ગાયોના મોત થયા છે. લમ્પી વાયરસની સારવાર માટે અલગ વ્યવસ્થા ન હોવાના કારણે સ્થિતિ મુશ્કેલ બની હતી. ત્યારે આ દરમિયાન ટેટોડા ગામ ખાતે રાજારામ ગૌશાળામાં ડીસાના જાણીતા બિલ્ડર અને જીવદયા પ્રેમી પી.એન.માળી દ્વારા 5 દિવસમાં જ લમ્પી વાયરસ માટે અલગ હોસ્પિટલ ઉભી કરી દેવામાં આવી છે.

5 દિવસમાં જ ઉભી કરી દેવાઇ હોસ્પિટલ

બનાસકાંઠામાં લમ્પી વાયરસના કારણે અનેક ગાયોના મૃત્યુ થયા છે ત્યારે અનેક ગાયો પીડાઈ રહી છે. જેને લઇને પશુપાલકોમાં ભય જોવા મળી રહ્યો છે. ત્યારે આ વાયરસની સારવાર માટે કોઈ જ અલગ વ્યવસ્થા ન હતી ત્યારે ટેટોડા ખાતે આવેલ રાજારામ ગૌશાળામાં ડીસાના જાણીતા બિલ્ડર અને જીવદયાપ્રેમી પી એન માળીએ લંમ્પી વાયરસ માટે અલગ હોસ્પિટલનું નિર્માણ કરાવ્યું છે. જેમાં લંમ્પી વાયરસ ગ્રસ્ત ગાયોને સારવાર માટે અલગ વ્યવસ્થા ઊભી કરાઇ છે. જોકે આ ગૌશાળામાં અમદાવાદમાંથી 120 ઉપરાંત પશુઓ વાયસરગ્રસ્ત સારવાર અર્થે લાવવામાં આવ્યા છે. વધુમાં જિલ્લાભરમાંથી આ વાયરસ ગ્રસ્ત પશુઓને સારવાર અપાઇ રહી છે. જે હવે આ અલગ હોસ્પિટલમાં સારવાર લેશે જેના કારણે અન્ય પશુઓને ચેપ લાગતો અટકશે. 

કલેકટરે વહીવટી તંત્ર વતી દાતાનો માન્યો આભાર

આ લંમ્પીગ્રસ્ત ગાયો માટે હોસ્પિટલના ઉદ્ઘાટન પ્રસંગે જિલ્લા કલેકટર આનંદ પટેલ હાજર રહ્યા હતા અને તેમને જણાવ્યું હતું કે સેવાકીય પ્રવૃતિમાં બનાસકાંઠા હંમેશા અગ્રેસર રહ્યું છે. જેમાં માનવસેવા હોય કે જીવદયા હોય કે કોઈ કુદરતી આફત હોય ત્યારે લંમ્પીગ્રસ્ત પશુઓ માટે દાતા દ્વારા બનાવવામાં આવેલ આ હોસ્પિટલ ખરેખર સહાનીય કામગીરી છે અને દાતા પી એન માળીને અભિનંદન પાઠવી આભાર પણ વહીવટી તંત્ર દ્વારા માનવામાં આવ્યો હતો.