- આ જીવના લોહીથી બનશે કોરોના વેક્સીન
- આ જીવનું વાદળી રંગનું લોહી કરશે કમાલ
- આ જીવના એક લિટર લોહીની કિંમત છે 11 લાખ રૂપિયા
આ જીવના લોહીથી અનેક દવાઓ બને છે
આ જીવનું નામ છે હૉર્સશૂ ક્રેબ (Horseshoe Crab). આ દુર્લભ જાતિનો કેકડો છે. સૌથી ખાસ વાત તો એ છે કે આ જીવના એક લિટર વાદળી લોહીની કિંમત 11 લાખ રૂપિયાની છે. જાણકારોનું માનવું છે કે હોર્સ શૂ કેકડો દુનિયાનો સૌથી જૂનો જીવ છે અને તે પૃથ્વી પર ઓછામાં ઓછા 45 કરોડ વર્ષથી અસ્તિત્વ ધરાવે છે. દવા કંપનીઓનું માનવું છે કે આ જીવના લોહીથી અનેક દવાઓને સુરક્ષિત રીતે બનાવાય છે. તેના લોહીમાં લિમુલસ અમીબોસાઈટ લાઈસેટ નામનું તત્વ હોય છે જે શરીરમાં એન્ડોટોક્સિન નામનું ખરાબ રાસાયણિક તત્વ શોધે છે. આ તત્વ કોઈ પણ સંક્રમણના સમયે શરીરમાં નીકળે છે.
આ જીવના એક લિટર લોહીની કિંમત છે 11 લાખ રૂપિયા
એટલાન્ટિક, હિંદ અને પ્રશાંત મહાસાગરમાં મળનારા હોર્સ શૂ કેકડા વસંત ઋતુમાં મેથી જૂન મહિના સુધી જોવા મળે છે. સૌથી ખાસ વાત તો એ છે કે પૂનમના સમયે કે હાઈ ટાઈડમાં સમુદ્રના કિનારા સુધી આવી જાય છે. જો આ કેકડાની કિંમતની વાત કરવામાં આવે તો તેનું એક લિટર વાદળી લોહી આંતરરાષ્ટ્રિય બજારમાં 11 લાખ રૂપિયા સુધી વેચાય છે. આ દુનિયાનું સૌથી મોંઘો તરલ પદાર્થ કહેવાય છે. ઉલ્લેખનીય છે કે હોર્સ શૂ કેકડાના લોહીનો ઉપયોગ વૈજ્ઞાનિકો 1970ના વર્ષથી કરી રહ્યા છે. એક રિપોર્ટ અનુસાર દર વર્ષે પાંચ કરોડ એટલાન્ટિક હોર્સ શૂ કેકડાનો ઉપયોગ મેડિકલ કામમાં કરાય છે.
આ જીવના લોહીની છે આ ખાસિયત
હોર્સ શૂ કેકડાના વાદળી લોહીમાં તાંબુ હોય છે. સાથે જ એક ખાસ રસાયણ પણ હોય છે જે કોઈ પણ બેક્ટેરિયા કે વાયરસની આસપાસ જમા થાય છે. તેની ઓળખ કરે છે અને સાથે તેને નિષ્ક્રિય કરવામાં મદદ કરે છે. આ કેકડાનું લોહી તેના દિલની પાસે કાણું કરીને કાઢવામાં આવે છે. એક કેકડામાંથી 30 ટકા જેટલું લોહી કાઢી શકાય છે અને પછી તેને ફરીથી સમુદ્રમાં છોડી દેવામાં આવે છે. 10થી 30 ટકા કેકડા લોહી કાઢવાની પ્રક્રિયામાં મૃત્યુ પણ પામે છે. ત્યારબાદ માદા કેકડાને પ્રજનનમાં મોટી મુશ્કેલીઓનો સામનો કરવો પડે છે.
ઉલ્લેખનીય છે કે જુલાઈની શરૂઆતમાં સ્વિત્ઝરલેન્ડની દવા કંપની લોંજાએ કોવિડ 19 વેક્સીનના હ્યુમન ટ્રાયલની તૈયારી કરી છે. અમેરિકામાં ટ્રાયલ કરવા માટે દવા કંપનીને મોટા પ્રમાણમાં લિમુલસ અમીબોસાઈટ લાઈસેટની જરૂર પડશે. આ તો હોર્સ શૂ ક્રેબમાંથી જ મળશે.
