હિંદૂ ધર્મમાં હોળીનું ખૂબ જ મહત્વ છે. હિંદૂ પંચાંગ અનુસાર ફાગણ મહિનાની પૂનમે હોળિકા દહન કરવામાં આવે છે. તેના બીજા દિવસે ધૂળેટી રમવામાં આવે છે. જ્યોતિષ શાસ્ત્ર અનુસાર હોળીના અવસર પર અમુક ખાસ ઉપાય કરીને તમે ભગવાન વિષ્ણુની સાથે સાથે માતા લક્ષ્મીની કૃપા પણ મેળવી શકો છો.
સારા સ્વાસ્થ્ય માટે
જો તમારા પરિવારમાં કોઈ સદસ્ય હંમેશા બીમાર રહે છે તો હોળીના દિવસે જૌઉના લોટમાં કાળા તલ અને થોડુ સરસવનું તેલ મિક્સ કરી મોટી રોટલી બનાવી લો અને તેને દર્દીના ઉપરથી 7 વખત ઉતારીને ભેંસને ખવડાવી દો. આમ કરવાથી તેને લાભ જરૂર થશે.
મનોકામનાઓ થશે પુરી
હોળીના દિવસે બિલિપત્ર પર સફેદ ચંદનના છાંટા લગાવો પછી તેના પર ઓમ લખીને શિવલિંગને અર્પિત કરો. માન્યતા છે કે તેનાથી તમારી દરેક મનોકામનાઓ પુરી થઈ જશે. તેના ઉપરાંત હોળી સોમવારના દિવસે આવવાના કારણે આ દિવસે ભગવાન શિવને પંચમેવાની ખીર પણ ભોગમાં આપો.
મુશ્કેલીઓમાંથી છુટકારા માટે
આજે રાત્રે સરસવના તેલનો પંચમુખી દિવો કરી ઘરના મુખ્ય દ્વાર પર સળગાવી તેની પૂજા કરો. તેના બાદ ભગવાન પાસે તમારી સુખ-સમૃદ્ધિની પ્રાર્થના કરો. ધાર્મિક માન્યતા અનુસાર આમ કરવાથી દરેક પ્રકારની મુશ્કેલીઓનું નિવારણ થઈ જશે.
ધન હાનિથી બચવા માટે
હોળીના દિવસે કોઈ ગરીબ વ્યક્તિને ભોજન જરૂર કરાવો. માન્યતા છે કે આમ કરવાથી તમારી મનોકામનાઓ પુરી થશે. સાથે જ ધનહાનીથી બચવા માટે હોળીના દિવસે ઘરના મુખ્ય દ્વાર પર ગુલાલ છાંટો અને તેના પર બે મુખી દીવો કરો. દીવો સળગાવતી વખતે ધનહાની દૂર થવાની કામના કરો. જો ત્યારે દીવો બંધ થઈ જાય તો એવી માન્યતા છે કે આમ કરવાથી ધનહાની નહીં થાય.
વધુ વાંચો: હોળી રમ્યા બાદ કપડા પર રંગ લાગી ગયા છે? આ સરળ ટિપ્સ અપનાવી દૂર કરો ડાઘ
વિવાહયોગ માટે
જલ્દી વિવાહયોગ થાય માટે હોળીના દિવસે કોઈ શિવ મંદિર જાઓ અને પોતાની સાથે 1 આખુ પાન, 1 આખી સોપારી અને હળદળની ગાંઢ રાખો. પાનના પત્તા પર સોપારી અને હળદરની ગાંઠ મુકીને શિવલિંગ પર અર્પિત કરો. તેના બાદ પાછળ જોયા બાદ ઘર પરત ફરી જાઓ. આ ઉપાય બીજા દિવસે પણ કરો. માન્યતા છે કે આમ કરવાથી જલ્દી જ વિવાહના યોગ બને છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
