ગોઝારી ઘટના / અમદાવાદમાં હિટ એન્ડ રન, કાળમુખા ડમ્પરની ઠોકરે યુવતીનું પ્રાણપંખેરુ ઉડી ગયું, જુઓ CCTV

• મોટેરામાં હિટ એન્ડ રન, યુવતીનું મૃત્યુ
• ડમ્પર-સ્કૂટર વચ્ચે ગંભીર અકસ્માત
• ઘટનાના  CCTV આવ્યા સામે

અમદાવાદમાં હીટ એન્ડ રનની વધુ એક ઘટના સામે આવી છે. જ્યાં શહેરના મોટેરા વિસ્તારમાં બેફામ સ્પીડે દોડતા ડમ્પરના ચાલકે સ્ટેરિંગ પરનો કાબૂ ગુમાવી દેતા ડમ્પરે સ્કૂટરને અડફેટે લીધુ હતું. આ ઘટનામાં એક યુવતીનું મોત નીપજ્યું હતું.  જેને લઇને પરિવાજનોમાં રોકકળાટ ફેલાયો હતો. વધુમાં બે યુવકોને  ઇજા થતાં સારવાર અર્થે ખસેડવામાં આવ્યા હતા. 

અમદાવાદમાં હિટ એન્ડ રન, કાળમુખા ડમ્પરની ઠોકરે યુવતીનું પ્રાણપંખેરુ ઉડી ગયું, જુઓ CCTV#ahmedabad#gujarat #viralvideo pic.twitter.com/HfxolBFXuf

— VTV Gujarati News and Beyond (@VtvGujarati) October 12, 2022

ડમ્પર-સ્કૂટર વચ્ચે અકસ્માત
આ અંગેની વિગત એવી છે કે અમદાવાદના મોટેરા વિસ્તાર નજીક રહેતી રિયા નામનની યુવતી દૂધ લેવા માટે એક્ટિવા લઈને નિકળી હતી. આ વેળાએ કાળ બનીને આવેલા ટ્રકે ઠોકરે લેતા માર્ગ રક્તરંજીત બન્યો હતો. જેમા ગંભીર ઇજાને પગલે સારવાર મળે તે પહેલા જ રીયાને કાળ ભેટી ગયો હતો. જેથી લોકોના ટોળેટોળા એકઠા થયા હતા અને પોલીસને જાણ થતાં પોલીસ પણ દોડી ગઇ હતી.જ્યાં પોલીસે ડમ્પર ચાલક સુરેશ બારિયાની ધરપકડ કરીને વધુ કાર્યવાહી હાથ ધરી છે.  તો આ ગોઝારી ઘટના CCTV પણ કેમેરામાં કેદ થઈ ગઈ હતી.