ગીર-સોમનાથમાં મેઘરાજાનું રૌદ્ર સ્વરૂપ જોવા મળી રહ્યું છે. જિલ્લામાં ભારે વરસાદથી ઠેર ઠેર પાણી ભરાયાં છે. તો મુશળધાર વરસાદને કારણે અનેક નદી ગાંડીતૂર બની છે.
Share
ગીર સોમનાથમાં ભારે વરસાદે સર્જી તારાજી
સુત્રાપાડા તાલુકામાં સૌથી વધુ 22 ઈંચ વરસાદ
રસ્તાઓ પર પાણી ભરાતા રાહદારીઓને ભારે હાલાકી
વેરાવળના રસ્તાઓ પર કેડસમા પાણી, પશુઓ આફતમાં મૂકાયા
સૌરાષ્ટ્રમાં અનરાધાર વરસાદ વરસી રહ્યો છે. ગીર સોમનાથ જિલ્લામાં તો આભ ફાટ્યું છે. 24 કલાકમાં ગીર સોમનાથના સુત્રાપાડા તાલુકામાં સૌથી વધુ 22 ઈંચ વરસાદ પડ્યો છે. જ્યારે વેરાવળમાં 19.24 ઈંચ, તાલાલામાં 11.96 ઈંચ વરસાદ ખાબક્યો છે. ભારે વરસાદે તાલાલા અને સુત્રાપાડામાં વિનાશ વેર્યો છે. મુશળધાર વરસાદના કારણે ઠેર-ઠેર વરસાદી પાણી ભરાયા છે. લોકોના વાહનો, ઘરવખરી સહિતની વસ્તુઓ પાણીમાં ડૂબી ગઈ છે. ભારે વરસાદના કારણે અનેક રસ્તાઓ બંધ કરાયા છે. તો અનેક ગામો સંપર્ક વિહોણા બન્યા છે. ભારે વરસાદથી ખેતરો બેટમાં ફેરવાયા છે.
ગીર સોમનાથના સોનારીયા ગામમાં પૂર જેવી સ્થિતિ સર્જાઇ છે. હિરણ-2 ડેમના દરવાજા ખોલવામાં આવતા પાણી ગામમાં ઘૂસ્યા હતા. ગામ વચ્ચેની જાણે નદી વહેતી હોય તેવા દ્રશ્યો સર્જાયા છે. સોનારીયાની આસપાસના ગામડાઓ પણ બેટમાં ફેરવાયા છે.
ગીરસોમનાથમાં જળબંબાકાર, અનેક વિસ્તારો બેટમાં ફેરવાયા
ગીર સોમનાથની સાહીની કોલોનીમાં કેડસમા પાણી, લોકો બોટ લઇને બહાર નીકળવા મજબૂર
અવિરત મેઘ મહેર વચ્ચે સોમનાથમાં ધસમસતા વહેણમાં છકડો તણાયો, જુઓ LIVE દ્રશ્યો
