આગાહી / ગુજરાતમાં ઠંડી અને વરસાદનું ગુડ બાય, હવામાન વિભાગે કરી તપતી આગાહી,આવું રહેશે 5 દિવસ વાતાવરણ

રાજ્યના વાતાવરણને લઈને હવામાન વિભાગે આગાહી કરી છે.  હવામાન વિભાગના  આગાહી કરી કે આગામી પાંચ દિવસ વાતાવરણ સૂકું રહશે. તેમજ ત્રણ દિવસ બાદ લઘુત્તમ તાપમાનમાં  2-3 ડિગ્રી નો  વધારો થશે. તો મહત્તમ તાપમાનમાં પણ ત્રણ દિવસ બાદ 2-3 ડિગ્રી વધારો જોવા મળશે. જેના કારણે લોકોને ગરમીનો અહેસાસ થશે. સાથે જ ઉત્તર દક્ષિણી દરિયાઈ વિસ્તારમાં  15-20 કિમીના પવન પણ ફૂકાશે.

11 માર્ચ બાદ વાતાવરણમાં પલ્ટો આવવાની શક્યતાઃ અંબાલાલ પટેલ (હવામાન નિષ્ણાંત)
રાજ્યમાં ફરી પાછો વાતાવરણમાં પલ્ટાની આગાહી કરવામાં આવતા ખેડૂતોનો જીવ પડીકે બંધાઈ જવા પામ્યો છે.  ત્યારે હવામાન નિષ્ણાંત અંબાલાલ પટેલે આગાહી કરી છે કે આગામી દિવસોમાં કચ્છ તેમજ ઉત્તર ગુજરાતમાં તા. 8 થી 11 માર્ચ દરમ્યાન વાતાવરણમાં પલ્ટો આવવાની શક્યતા છે. તેમજ પવન અને વાદળછાયા વાતાવરણ રહેશે અને કમોસમી વરસાદની પણ આગાહી કરવામાં આવી હી છે.  તેમજ 18 થી 20 માર્ચ દરમ્યાન પણ વરસાદની આગાહી હવામાન નિષ્ણાંત દ્વારા કરવામાં આવી છે. 

વધુ વાંચોઃ આ 7 દેશોમાં સ્થાયી થવું છે એકદમ સહેલું, જાણો કયા દેશ લિસ્ટમાં છે સામેલ

તાજેતરમાં પડેલ વરસાદથી જીરૂ, એરંડા સહિતનાં પાકમાં નુકશાનની શક્યતા
માર્ચ મહિનો શરુ થતાની સાથે જ રાજ્યમાં અનેક જગ્યાએ વરસાદી માહોલ છવાયો હતો. જેમાં સૌરાષ્ટ્ર, ઉત્તર ગુજરાત સહિતનાં વિસ્તારોમાં વરસાદ પડતા ખેતરમાં ઉભો પાક નિષ્ફળ જવાની ભીંતી સેવી રહ્યા હતા. તો અમુક જગ્યાએ બરફનાં કરા પણ પડ્યા હતા.  તો જીરું, એરંડા સહિતના પાકમાં ભારે નુકશાનની શક્યતા ખેડૂતો સેવી રહ્યા છે. 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો