- ભારતમાં પડશે આકરી ગરમી
- વિશેષજ્ઞએ વેટ બલ્બની આપી ચેતવણી
- ભારત સહિત પાકિસ્તાનનો મોટો વિસ્તાર જોખમમાં
હાલમાં લોકો મિશ્ર સિઝનનો અનુભવ કરી રહ્યાં છે. ફેબ્રુઆરીમાં લોકો તડકાનાં તાપથી પીડાતાં હતાં તો માર્ચમાં માવઠાનો સામનો કરી રહ્યાં છે. ત્યારે આ જળવાયુ પરિવર્તન માત્ર ભારતમાં જ નહીં સમગ્ર દુનિયામાં અનુભવાઈ રહ્યો છે. વિશેષજ્ઞોએ આવનારાં મહિનામાં ભારત, પાકિસ્તાન અને આસપાસનાં અનેક ક્ષેત્રોમાં ભયાનક ગરમી પડી શકવાની ચેતવણી આપી છે. ગતવર્ષે તાપમાન એપ્રિલમાં ક્ષેત્રનાં કેટલાક ભાગોમાં તાપમાન 40થી 50 ડિગ્રી સુધી પહોંચી ગયું હતું.
ભારત અને આસપાસમાં ગરમીનો પ્રકોપ વધશે
meer.org નાં મુખ્ય રણનીતિ અધિકારી પીટર ડાયન્સે પોતાના ટ્વિટમાં લખ્યું કે 'આ વખતે ગરમી ભારતને લોકોને જીવિત રહેવાની સીમા સુધી ધકેલી દેશે. ભારતમાં ફેબ્રુઆરીનાં સૌથી ગરમ રેકોર્ડનો અનુભવ થયાં બાદ આવનારાં અઠવાડિયાઓમાં તાપમાન વધવાનું અનુમાન કરવામાં આવી રહ્યું છે.' પીટર ભલે ભારતનો ઉલ્લેખ કરી રહ્યાં હોય પરંતુ તેમની આ ચેતવણી સમગ્ર ક્ષેત્ર માટે છે જેમાં ભારતનાં પાડોશી દેશ પણ શામેલ છે. તેમણે લખ્યું કે 'જો વૈશ્વિક તાપમાનમાં વૃદ્ધિ ચાલુ જ રહી તો આ ક્ષેત્રમાં વેટ બલ્બ wet-bulbનો ગંભીર ભય છે.'
શું છે આ wet-bulb ?
ગરમીની એ ચરમસીમા કે જેનાથી વધારે માણસ ઉચ્ચ તાપમાનને સહન નથી કરી શકતો..તેને વેટ-બલ્બ તાપમાન કહે છે. પીટરે લખ્યું, 'સૌથી ભયાનક વેટ બલ્બ ઘટનાઓમાંની એક શિકાગોમાં બની હતી. જેમાં 700થી વધારે લોકો ગરમી અને લૂની હરફેટે આવ્યાં હતાં, જેમાં મોટાભાગે વયસ્કો અને ગરીબો હતાં. 1995ની ગરમીની લહેર અમેરિકી ઈતિહાસમાં સૌથી ઘાતક જળવાયુ આપત્તિઓમાંની એક છે જેમાં સંયુક્ત રૂપથી સૈંડી અને હાર્વે તૂફાનથી 3 ઘણાં વધારે લોકો મૃત્યુ પામ્યાં હતાં.'
નકશામાં જોવા મળે છે વિસ્તારો
નકશામાં જોઈ શકાય છે કે ક્યાં વિસ્તારમાં કેટલી ગરમી પડશે. તેમાં દક્ષિણ-પશ્ચિમ ભારતનો એક મોટો હિસ્સો ભયાનક ગરમીની પકડમાં આવી શકે છે. પાકિસ્તાનનાં પૂર્વી ભાગ અને કરાંચી, લરકાના, મુલ્તાન જેવા શહેરોમાં પણ આ ગરમી પડશે. પાકિસ્તાની સમાચાર પત્રની એક ન્યૂઝ અનુસાર દેશમાં પાણીની અછત વધી રહી છે. જેની સૌથી વધુ અસર ખેતી પર પડશે.
