સાવધાન / ભૂખ ઓછી લાગે કે ચામડી પર ચકામા પડે..સમજી જજો લીવર થઈ રહ્યું છે ડેમેજ, આવી ટ્રિકથી બચો

• હેલ્ધી લિવર સ્વાસ્થ્ય માટે જરૂરી 
• આવા લક્ષણ દેખાય તો થઈ જજો સાવધાન 
• હોઈ શકે છે લિવરમાં ઈન્ફેક્શન  

લિવરમાં ઈન્ફેક્શન એક ગંભીર સમસ્યા છે. એવામાં લિવર સંપૂર્ણ રીતે ડેમેજ થઈ જાય તે પહેલા જ અમુક સાવધાનીઓ રાખવી ખૂબ જ જરૂરી છે. તેના ઉપરાંત શરીરના તે સંકેતોને પણ સમજવા જોઈએ જે લિવર ઈન્ફેક્શનની સામે ઈશારો કરે છે. આવો જાણીએ તેના વિશે. 

લિવર ઈન્ફેક્શનના લક્ષણ 
ભૂખ ઓછી લાગવી
શરીરમાં ભોજનને યોગ્ય રીતે પચાવવામાં લિવરનો એક મોટો રોલ છે. તેમાં ઈન્ફેક્શનના કારણે તમને ભૂખ ઓછી લાગે છે અને કંઈક ખાવાનું મન નથી કરતું. એવામાં ડૉક્ટર સાથે સંપર્ક કરવો જરૂરી છે. 

ત્વચા પર ખંજવાડ 
લિવર ઈન્ફેક્શનના કારણે ત્વચા પર ખંજવાડની સમસ્યા પણ ઉભી થઈ શકે છે. માટે જો તમને પણ વારંવાર ખંજવાડ આવી રહી છે અને રેશીઝ થઈ રહ્યા છે તો તે અનહેલ્ધી લિવરના સંકેત હોઈ શકે છે. 

ઉલ્ટી 
મોટાભાગે લિવર ઈન્ફેક્શનમાં ઉલ્ટી જેવું થાય છે. ભોજન પચે તે પહેલા જ તમને ઉલ્ટી આવવા લાગે છે. એવા લક્ષણ પર લાંબા સમય સુધી અવગણશો નહીં. 

વધુ વાંચો: દિવસે કોઇપણ સમયે જો શરીરમાં દેખાય આ 5 લક્ષણ, તો એલર્ટ! લિવર થઇ શકે છે ડેમેજ

પેટમાં દુખાવો અને સોજો 
લિવર ઈન્ફેક્શનના ઈનિશિયલ સ્ટેજમાં જ તમને પેટમાં દુખાવો અને સોજો જોવા મળી શકે છે. અંદરની અસહનીય દુખાવો તમને લિવરમાં ઈન્ફેક્શનનો સંકેત આપે છે.