નિવેદન / ઑક્સીજનની કમી તો પહેલા પણ નો'હતી અને હવે તો...: મોદી સરકારના મંત્રીનું 'જ્ઞાન'

• ભારતમાં કહેર બનીને તૂટી કોરોનાની બીજી લહેર 
• સ્વાસ્થ્ય મંત્રી કહી રહ્યા છે ઑક્સીજનની નથી કમી 
• લોકોમાં યોગ્ય જ્ઞાનની પણ જરૂર છે : સ્વાસ્થ્ય મંત્રી 

At the same time, right info regarding oxygen is also very crucial. There's no need to rush to hospitals as a result of panic reactions. Those who need oxygen should get it but it's not right if someone thinks he/she needs oxygen, due to lack of knowledge: Health Minister (2/3)

— ANI (@ANI) April 29, 2021

ભારતમાં કોરોના વાયરસના કારણે લોકો મોતના મુખમાં ધકેલાઇ રહ્યા છે. કેટલા શહેરોમાં લોકોને ઑક્સીજનની અછત પડી રહી હોવાના દ્રશ્યો સામે આવ્યા છે. જે દર્દી ઘરે સારવાર લઈ રહ્યા છે તેમના પરિજનો એક એક સિલિન્ડર માટે અધિકારીઓના પગે પડી રહ્યા છે અને દેશના કેન્દ્રીય સ્વાસ્થ્ય મંત્રી દાવા કરી  રહ્યા છે કે પહેલા પણ પર્યાપ્ત માત્રામાં ઑક્સીજન હતી અને અત્યારે પણ છે જ. સવાલ એ થાય છે કે સ્વાસ્થ્ય મંત્રીને દર્દીઓની વ્યથા નથી દેખાઈ રહી? કે પછી તે જોવા જ નથી માંગતા?

દેશના સ્વાસ્થ્ય મંત્રીના મોટા મોટા દાવા 

ડૉ. હર્ષવર્ધને કહ્યું કે પર્યાપ્ત માત્રામાં ઑક્સીજન પહેલા પણ હતી અને હવે તો વધારે આપવામાં આવી રહ્યા છે. કેટલા બધા સ્ત્રોતથી ઑક્સીજન આપવામાં આવી રહ્યા છે. સ્ટોરેજ, ટ્રાન્સપોર્ટમાંથી આટલું જ નહીં વિદેશોમાંથી અને ઉદ્યોગોમાંથી ઑક્સીજન આપવામાં આવી રહ્યો છે. 

યોગ્ય જ્ઞાન જરૂરી : સ્વાસ્થ્ય મંત્રી 

હર્ષવર્ધને વધુમાં કહ્યું કે ઑક્સીજન વિશે લોકોમાં યોગ્ય જ્ઞાનની પણ ખૂબ જરૂરી છે. કોઈ પણ પ્રકારના પેનિકમાં આવીને આપણે ખાલી હોસ્પિટલો તરફ દોડવા લાગીએ તેની કોઈ જરૂર નથી. જેને ઑક્સીજનની જરૂર નથી તેમને મળવું જોઈએ, પણ જેને ઑક્સીજનની જરૂર જ નથી અને તેને લાગી રહ્યું છે કે મને ઑક્સીજન નથી મળી રહ્યું અને પેનિક કરી રહ્યો છે અને જાણકારીના અભાવમાં તે ટેન્શનમાં રહે, આ કોઈ ઉચિત પરિસ્થિતિ નથી. 

સ્વાસ્થ્ય મંત્રી હર્ષવર્ધને કહ્યું કે પેનિકમાં આવીને દોડાદોડી ના કરશો. મોટા ભાગના દર્દીઓ ઘરે જ સાજા થઈ જાય છે અને હું આ માત્ર એક આરોગ્ય મંત્રી તરીકે નહીં પરંતુ એક ડૉક્ટર તરીકે કહી રહ્યો છું. 

ભારતમાં કોરોના વાયરસની સુનામી 

માર્ચ મહિનાથી ભારતમાં કોરોના વાયરસના કેસમાં અચાનક જ ઉછાળો જોવાં મળ્યો હતો અને તે બાદ સતત કેસ વધી રહ્યા છે. દેશની હોસ્પિટલો ઉભરાઇ ગઈ છે અને લોકો સારવાર વિના જ દમ તોડી રહ્યા છે. ઈન્જેક્શનો અને ઑક્સીજન ખૂટી પડ્યું છે અને હાલત એ છે કે હવેથી સ્મશાનોમાં જગ્યા નથી અને લાકડાઓ ખૂટી રહ્યા છે. 

ભારતમાં કોરોના વાયરસ કેસ અપડેટ - 29મી એપ્રિલ, 2021 

ભારતમાં કોરોના વાયરસના કેસમાં સતત વધારો જોવા મળી રહ્યો છે ત્યારે આજે 3,79,257 નવા કેસ સામે આવ્યા છે. છેલ્લા 24 કલાકમાં દેશમાં 3645 લોકોએ કોરોના વાયરસના કારણે જીવ ગુમાવતાં હાહાકાર જેવી સ્થિતિ છે. જોકે રાહતની વાત કહી શકાય કે 2,69,507 દર્દીઓ કોરોનાને હરાવીને સાજા પણ થયા છે.