કોલેસ્ટ્રોલ / હાર્ટ એટેકની મુખ્ય જળને રાખો કાબૂમાં, જો વધ્યું તો હુમલો આવ્યો જ સમજો, એક્સપર્ટથી જાણો કેવી રીતે રાખવો કંટ્રોલ

• હાર્ટ અટેક અને કાર્ડિયક અરેસ્ટ મોત સૌથી મોટું કારણ
• ખરાબ ખાનપાન અને લાઇફસ્ટાઇલ છે જ્વાબદાર
• કોવિડ મહામારી બાદ હાર્ટ અટેકના કેસમાં વધારો

દુનિયાભરમાં હાર્ટની બિમારી ઝડપથી વધી રહી છે. વિશ્વ સ્વાસ્થ્ય સંગઠનના રિપોર્ટ પ્રમાણે છેલ્લા એક દાયકામાં હાર્ટના રોગને કારણે સૌથી વધુ લોકોના મોત થયા છે. જેમાં હાર્ટ અટેક અને કાર્ડિયક અરેસ્ટ મોત સૌથી મોટું કારણ છે. હાર્ટ અટેક થવાનું મોટું કારણ કોલેસ્ટ્રોલ છે. શરીરમાં જો બેડ કોલેસ્ટ્રોલનું લેવલ હાઇ થઇ જાય તો તેનાથી હાર્ટની નળીઓ બ્લોક થઇ જાય છે અને હ્યદય રોગનો હુમલો આવે છે. ડોક્ટરોનું કહેવું છે કે બેડ કોલેસ્ટ્રોલના સ્તરમાં વધારો થવાનું એક મોટું કારણ ખરાબ ખાનપાન અને લાઇફસ્ટાઇલમાં બદલાવ છે. 

ડાયાબિટીઝ અને થાઇરાઇડ જેવી બીમારી પણ તેના રિસ્ક ફેક્ટર છે

દિલ્હીના આરએમએલ હોસ્પિટલમાં કાર્ડિયોલોજી ડિપાર્ટમેન્ટમાં પ્રોફેસર ડો. તરુણ કુમારના જણાવાયા અનુસાર ફાસ્ટ ફૂડનું સેવન કોલેસ્ટ્રોલનું વધવાનું મોટું એક કારણ છે. ફાસ્ટ ફૂડને બનાવવામાં રિફાઇન્ડડ અને ખરાબ તેલનો ઉપયોગ કરવામાં આવે છે. જે શરીરમાં કોલેસ્ટ્રોલનું લેવલ વધી જાય છે. આ સિવાય સ્મોકિંગ, દારૂનું સેવન, ખરાબ લાઇફસ્ટાઇલ, મોટાપા અને એક્સરસાઇઝ ન કરવાથી પણ શરીરમાં બેડ કોલેસ્ટ્રોલને વધારવામાં મુખ્ય ભુમિકા નિભાવે છે. ડાયાબિટીઝ અને થાઇરાઇડ જેવી બીમારી પણ તેના રિસ્ક ફેક્ટર છે. 

હાર્ટ અટેકના કેસમાં વધારો થયો છે

છેલ્લા કેટલાક વર્ષમાં લોકોની લાઇફસ્ટાઇલ ખુબ જ ખરાબ થઇ છે. જેના લીધે કોલેસ્ટ્રોલ વધી રહ્યું છે જે હાર્ટ અટેકનું પણ કારણ બને છે. બેડ કોલેસ્ટ્રોલમાં વધારો થવાથી આર્ટરીઝમાં લિપિડનું લેવલ વધવા લાગે છે. તેનાથી આર્ટરીઝ બ્લોક થઇ જાય છે. એવામાં હાર્ટનું લોહી પંપ યોગ્ય રીતે થતું નથી અને હાર્ટ અટેક આવે છે. ચિંતાની વાત એ છે કે હવે નાની ઉંમરમાં પણ લોકોને હ્યદય રોગનો હુમલા આવી રહ્યાં છે. કોવિડ મહામારી બાદ હાર્ટ અટેકના કેસમાં વધારો થયો છે.

 

ડોક્ટરની સલાહ લેઇને તાત્કાલિક સારવાર કરાવવી

ડો. તરુણ જણાવે છે કે કોલેસ્ટ્રોલ બે પ્રકારના હોય છે. એક છે સારું કોલેસ્ટ્રોલ એચડીએલ છે અને બીજું એલડીએલ જેને બેડ કોલેસ્ટ્રોલ કહેવામાં આવે છે. એલડીએલનું લેવલ શરીરમાં જેટલું વધશે હાર્ટ અટેકનું રિસ્ક પણ એટલું જ વધુ રહેશે. લોહીમાં બેડ કોલેસ્ટ્રોલનું લેવલ વધવાથી પેરિફેરલ હાર્ટ ડીસીઝ અને કોરોનરી હાર્ટ ડીસીઝ થઇ જાય છે. કોલેસ્ટ્રોલ હાર્ટ સિવાય મગજમાં પણ જે હુમલો આવે છે તેને બ્રેક સ્ટ્રોક કહેવામાં આવે છે. કોલેસ્ટ્રોલની ઓળખ કરવા માટે લિપિડ પ્રોફાઇલ ટેસ્ટ કરવામાં આવે છે. જો ટેસ્ટમાં બેડ કોલેસ્ટ્રોલનું લેવલ વધુ હોય તો ડોક્ટરની સલાહ લેઇને તાત્કાલિક સારવાર શરૂ કરી દેવી જોઇએ.