હેલ્થ ટિપ્સ / માઇગ્રેનના દુખાવાથી છો પરેશાન? તો આજથી જ ડાયટમાં સામેલ કરો આ વસ્તુઓ, થશે ફાયદો જ ફાયદો

• શરીરને ફિટ રાખવા પોષક તત્વો જરૂરી 
• શરીર માટે જરૂરી છે મેગ્નેશિયમ 
• નહીં તો થઈ શકે છે ઘણી બિમારીઓ 

શરીરને સ્વસ્થ્ય રાખવા માટે ઘણા પ્રકારના વિટામિંસ અને મિનરલ્સની જરૂર હોય છે. તમે જો હેલ્ધી વસ્તુઓ ખાઓ છો તો તેમાં આ પોષકતત્વો મળી શકે છે. માટે હેલ્થ એક્સપર્ટ પણ નિયમિત રીતે પૌષ્ટિક ભોજન કરવાની સલાહ આપે છે. જેનાથી તમે ઘણા પ્રકારની ઘાતક બિમારીઓથી બચી શકો છો. 

મેગ્નેશિયમ એક એવું પોષક તત્વ છે જે શરીરને સ્વસ્થ્ય રાખવા માટે ખૂબ જ જરૂરી છે. શરીરમાં તેની કમીથી ઘણી બીમારીઓ પેદા થાય છે. મેગ્નેશિયમ હૃદય, બ્લડ શુગર સહિત ઘણી બીમારીઓને ઓછુ કરવામાં મદદ કરે છે.

હાડકા માટે ફાયદાકારક 
હાડકાને સ્વસ્થ્ય રાખવામાં મેગ્નેશિયમ મહત્વપૂર્ણ ભુમિકા નિભાવે છે. ડાયેટમાં મેગ્નેશિયમ રિચ ફૂડ્સ શામેલ કરવાથી મહિલાઓમાં ઓસ્ટિયોપોરોસિસનો ખતરો ઓછો થઈ શકે છે. 

બ્લડ શુગરને કંટ્રોલ કરવામાં મદદ
જે લોકોના શરીરમાં મેગ્નેશિયમનું પ્રમાણ ઓછુ હોય છે તેમાં ટાઈપ-2 ડાયાબિટીસનો ખતરો વધારે રહે છે અને રક્ત શર્કરાના સ્તરને કંટ્રોલ કરવી સરળ નથી હોતી. 

હાર્ટના સ્વાસ્થ્ય માટે ફાયદાકારક 
મેગ્નેશિયમ હાર્ટને સ્વસ્થ્ય રાખવા માટે મદદ કરે છે. મેગ્નેશિયમથી ભરપૂર ખાદ્ય પદાર્થ ખાવાથી હાઈ બીપીને કંટ્રોલ કરવામાં મદદ મળી શકે છે. 

સારી ઉંઘ માટે ફાયદાકારક 
અનિંદ્રાના ઉપાય માટે મેગ્નેશિયમને કારગર માનવામાં આવે છે. એક રિસર્ચ અનુસાર મેગ્નેશિયમથી ભરપુર ખોરાક લેવાથી અનિદ્રાના દર્દીઓને ઉંઘ આવવા લાગે છે. 

માઈગ્રેનના દુખાવાને ઓછો કરવામાં મદદ 
હેલ્થ એક્સપર્ટ્સ અનુસાર માઈગ્રેનના દર્દીઓમાં મેગ્નેશિયમની કમી હોવાની સંભાવના વધારે હોય છે. આ પોષક તત્વો યુક્ત ડાયેટ લેવાથી માઈગ્રેનના દુખાવાને ઓછો કરી શકાય છે. 

મેગ્નેશિયમ માટે કરો આ ફૂડ્સનું સેવન 

• એવાકાડો મેગ્નેશિયમનો સૌથી સારો સ્ત્રોત છે. તેના ઉપરાંત આ પોટેશિયમ, વિટામીન-બી અને વિટામિન-કેથી ભરપુર હોય છે. તેને ખાવાથી પાચન અને હૃદય સ્વાસ્થ્ય સારૂ રહે છે. 
• ડાર્ક ચોકલેટમાં મેગ્નેશિયમ જરૂરી પ્રમાણમાં મળી આવે છે. જે આંતરડામાં સારા બેક્ટેરિયાને વધારવામાં મદદ કરે છે. 
• નટ્સમાં પણ મેગ્નેશિયમ ભરપૂર પ્રમાણમાં હોય છે. તેના માટે તમે બદામ અને કાજૂનું સેવન કરી શકો છો.  
• ક્વિનોઆ પ્રોટીનથી ભરપૂર હોય છે. તેમાં મેગ્નેશિયમ અને ખૂબ એન્ટીઓક્સીડેન્ટ પણ હોય છે. જે શરીરને ઘણી બીમારીઓથી બચાવે છે.