સ્વાસ્થ્ય / શું તમે ભૂલથી જમી લીધું છે એક્સપાયરી ફૂડ? તો હવે! સેફ્ટી માટે રાખજો આ ખાસ ખ્યાલ

• દરેક ફૂડની પોતાની એક્સપાયરી ડેટ હોય છે
• એક્સપાયરી ડેટ પછી ખાદ્યપદાર્થોની ગુણવત્તા બગડે છે
• એક્સપાયર્ડ ફૂડ ખાવાની અસરનો આધાર ખોરાકના પ્રકાર પર

 

ભૂખ લાગતાં જ તમે રસોડામાં તમારી નજર સામે જે હતું તે કંઈ પણ વિચાર્યા વિના ખાઈને ભૂખ મિટાવી દીધી. પરંતુ જ્યારે તમે તેની એક્સપાયરી ડેટ જોઈ તો તમે ચિંતામાં પડી ગયા. કારણ કે એક્સપાયરી ડેટને એક સપ્તાહ વીતી ગયું હતું. આવી સ્થિતિમાં ગભરાવાની જગ્યાએ એક્શન મોડમાં આવવું વધુ સારું છે.  એક્સપાયર્ડ થઇ ગયેલા ખોરાક ખાવાની અસરનો આધાર ખોરાકના પ્રકાર પર છે અને તે કેવી રીતે સંગ્રહિત કરવામાં આવ્યો તેના પર પણ આધાર રાખે છે.  ..એક્સપાયર્ડ થયેલી ડેરી પ્રોડક્ટ્સનું સેવન કરવાથી તમને ફૂડ પોઈઝનિંગ થવાની શક્યતાઓ વધુ છે, જ્યારે પેકેજ્ડ ફૂડથી આવું જોખમ થોડું ઓછું છે.

બ્રેડમાં એક્સપાયરી ડેટ પછી બેકટેરિયા ઝડપથી બનવા લાગે છે 

દરેક ખોરાકની પોતાની એક્સપાયરી ડેટ હોય છે.. એક્સપાયરી ડેટ પછી ખાદ્યપદાર્થોની ગુણવત્તા બગડે છે અને તેમાં પોષક મૂલ્યનો અભાવ સર્જાય છે.  અને બીજું, સાલ્મોનેલા, ઇ. કોલી જેવા હાનિકારક બેક્ટેરિયાના વિકાસને કારણે, ઉલ્ટી, તાવ અને ઝાડા થવાની શક્યતાઓ નોંધપાત્ર રીતે વધી જાય છે. જેના કારણે ઘણી વખત જીવ પણ જોખમમાં મુકાય છે. અજાણતા એક્સપાયર થયેલી બ્રેડ ખાવાથી તમને ફૂડ પોઈઝનિંગ થઈ શકે છે. કારણ એ છે કે જ્યારે બ્રેડ બગડે છે, ત્યારે તેમાં બેક્ટેરિયા ખૂબ જ ઝડપથી બનવા લાગે છે, જેનાથી ફૂડ પોઈઝનિંગ થઈ શકે છે.

 

ખોરાકને સ્ટોર કરવા માટે રસાયણોનો ઉપયોગ કરાતો હોવાથી વધુ હાનિકારક

જ્યારે પણ તમે આકસ્મિક રીતે મોલ્ડ ફૂડ ખાઓ છો, તો તેનાથી એલર્જી, માથાનો દુખાવો અને શ્વાસ લેવામાં તકલીફ થઈ શકે છે. ઘણા ખોરાકને સ્ટોર કરવા માટે રસાયણોનો ઉપયોગ થાય છે. અને જ્યારે આપણે તેમની એક્સપાયરી ડેટ પછી પણ તેનો ઉપયોગ કરીએ છીએ, ત્યારે તે આપણા માટે જીવલેણ સાબિત થઈ શકે છે.
જ્યારે તમે ભૂલથી એક્સ્પાયર થયેલો ખોરાક ખાઓ તો ગભરાશો નહીં, પરંતુ આ ટિપ્સ ફોલો કરો.

 

તમારા મનને શાંત રાખો
 
જો તમે અચાનક એવું વિચારીને ગભરાઈ જાઓ કે તમે એક્સપાયર થઈ ગયેલો ખોરાક ખાધો છે, તો તમારું સ્વાસ્થ્ય વધુ બગડી શકે છે. આવી સ્થિતિમાં, તમારા મનને શાંત કરો અને આગળ શું કરવું તે વિશે વિચારો.

 

લક્ષણો પર નજર રાખો

શું તમે એક્સપાયર થયેલ ખોરાક ખાધા પછી કોઈપણ પ્રકારની એલર્જી અથવા ઉલ્ટી અથવા ચક્કર અનુભવી રહ્યા છો? આનું ખાસ ધ્યાન રાખો. જો તમને સહેજ પણ લક્ષણો જણાય તો ડૉક્ટરનો સંપર્ક કરો.

આ પણ વાંચોઃ સવારે વહેલાં ઊઠવામાં પડે છે તકલીફ? અપનાવી જુઓ આ સરળ ટિપ્સ

ખુબ પાણી પીઓ 

પાણી તમારા શરીરને હાઇડ્રેટ તો કરે જ છે સાથે સાથે તે શરીરમાંથી ઝેરીલા તત્વોને બહાર ફેંકવામાં પણ મદદરૂપ થાય છે  માટે જ્યારે પણ તમે આકસ્મિક રીતે એક્સપાયર્ડ ફૂડ ખાઇ લો તો ખુબ પાણી પીઓ 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો