- હરિયાણા કૈથલમાં ચાલુ મિટિંગમાં બાખડ્યાં બે મહિલા અધિકારી
- અધ્યક્ષે મહિલા અધિકારીને ખખડાવીને બહાર કાઢી મૂક્યા
- લગ્ન કેસમાં મહિલા પોલીસે યોગ્ય કાર્યવાહી ન કરતા ગુસ્સે થયા અધ્યક્ષ
હરિયાણાના કૈથલમાં ચાલુ મિટિંગમાં રાજ્ય મહિલા પંચના અધ્યક્ષ રેણુ ભાટિયા અને મહિલા પોલીસ અધિકારી વચ્ચે વિવાદ પેદા થયો હતો અને વિવાદ એટલી હદે વધ્યો કે એક તબક્કે તો રેણુ ભાટિયાએ મહિલા પોલીસ અધિકારીને ગેટઆઉટ કહીને બહાર તગડી મૂક્યા હતા.
કેમ ઝગડ્યાં બે મહિલા અધિકારી
હકીકતમાં વૈવાહિક જીવનનો એક કેસ બેઠકમાં ઉછળ્યો હતો જેમાં આરોપ છે કે મહિલા અધિકારીએ યોગ્ય પગલાં લીધા નહોતા અને પોલીસ અધિકારીએ કેસની પીડિતાની ત્રણ વાર તપાસ કરી હતી પરંતુ તેના પતિની કોઈ તપાસ કરાઈ નથી આ વાતે મહિલા પંચના અધ્યક્ષ ભારે ગુસ્સા થયા હતા અને તેમણે બેઠકમાં હાજર રહેલ મહિલા પોલીસ અધિકારીને પૂછ્યું કે તમે શા માટે પુરુષની સામે પગલાં ભર્યાં નથી અને શા માટે મહિલાની ત્રણ વારની તપાસ કરી. આ વાતનો જવાબ આપો.
બીજી મહિલા અધિકારીઓ આવીને મહિલાને લઈ ગયા
મહિલા પંચના અધ્યક્ષના જવાનો મહિલા અધિકારીએ વિરોધ કર્યો ત્યારે ભાટિયાએ જણાવ્યું હતું કે તેમણે મહિલાની ત્રણ વખત તબીબી તપાસ કરાવી હતી, પરંતુ પુરુષની નહીં. અધિકારીએ જવાબ આપવાનો પ્રયાસ કરતાં ભાટિયાએ એસએચઓને તેને બહાર લઈ જવાનો નિર્દેશ આપ્યો હતો. ભાટિયા મહિલા પોલીસ અધિકારીને કહેતા વીડિયોમાં જોવા મળે છે કે, "મારી સાથે દલીલ ન કરો અને બહાર નીકળો." ત્યારબાદ અધિકારીને સાથી પોલીસ અધિકારી દ્વારા મીટિંગ રૂમની બહાર લઈ જવામાં આવ્યા હતા. ભાટિયાએ અગાઉ આ વ્યક્તિની તબીબી તપાસના આદેશ આપ્યા હતા અને અધિકારી તેના આદેશનું પાલન ન કરતા નાખુશ હતા.
મહિલા પોલીસ અધિકારી સામે ખાતાકીય તપાસ
બાદમાં પત્રકારો સાથે વાત કરતા ભાટિયાએ કહ્યું હતું કે, આ વ્યક્તિની મેડિકલ તપાસ કરાવવામાં આવશે. ભાટિયાએ પત્રકારોને જણાવ્યું હતું કે, "તમે જોયું કે મહિલા પોલીસ અધિકારીએ મારી સાથે કેવી રીતે વાત કરી. મહિલા પોલીસ અધિકારીની સામે ખાતાકીય તપાસ થશે.
