હદયકંપી / કેન્સરથી બચાવવાના ચક્કરમાં સગી માએ જ દીકરાને ગંગામાં ડૂબાડીને મારી નાંખ્યો, દર્દનાક વીડિયો વાયરલ

• હરિદ્વારમાં બની હદયકંપી ઘટના
• 5 વર્ષનાં કેન્સર પીડિત બાળકને પરિવાર લઈ આવ્યો હરિદ્વાર
• ગંગા સ્નાન સમયે માતાએ બાળકને ડૂબાડી દીધાનો આરોપ

ઉત્તરાખંડનાં હરિદ્વારમાં બુધવારે બપોરે 5 વર્ષનાં એક બાળકની ગંગામાં ડૂબી જવાથી મોત થઈ ગઈ. દિલ્હીનો એક પરિવાર પોતાના 5 વર્ષનાં પુત્રને લઈને હરિદ્વારમાં હરકી પૌડીમાં ગંગા સ્નાન કરાવવા માટે લઈ આવ્યો હતો. હરકી પૌડી પર ગંગામાં ડૂબીને બાળકનું મોત થઈ ગયું. તેનો વીડિયો પણ સોશિયલ મીડિયા પર વાયરલ થયો છે.

ब्लड कैंसर पीड़ित बच्चे को गंगा में डुबोकर मार डाला-

दर्दनाक वीडियो हरिद्वार में हरकी पैड़ी का है। लाइलाज घोषित हुए बच्चे को परिजन हरिद्वार ले गए। आरोप है कि बच्चे को उन्होंने कई मिनट तक पानी में डुबोए रखा। पिता राजकुमार सैनी, मां शांति, मौसी सुधा पुलिस कस्टडी में हैं। pic.twitter.com/twu9tkTFAF

— Sachin Gupta (@SachinGuptaUP) January 24, 2024

માતાએ બાળકને પાણીમાં ડૂબાડ્યો?
આ વીડિયોમાં મહિલા બાળકને થોડીવાર સુધી પાણીમાં ડુબાડતી નજર આવી રહી છે. આ બાદ આસપાસમાં રહેલા લોકો મહિલાની પાસે પહોંચી જાય છે અને તેને રોકવાનાં પ્રયાસ કરે છે પણ મહિલા તેને દૂર હટાવવા લાગે છે. મહિલા થોડા સમય બાદ બાળકને પાણીની બહાર કાઢે છે.

બ્લડ કેન્સરથી પીડિત હતો બાળક
SP સિટી સ્વતંત્ર કુમારે જણાવ્યું કે દિલ્હીથી એક પરિવાર પોતાના 5 વર્ષીય પુત્રને લઈને અહીં આવ્યો હતો જે બ્લડ કેન્સરથી પીડિત હતો. ડોક્ટરોનાં જવાબ અપાયા બાદ પરિવારજનો આસ્થાથી પોતાના બાળકને ગંગા સ્નાન માટે હરિદ્વાર લઈને પહોચ્યાં હતાં. પોલીસ આ મામલાની ઊંડાણપૂર્વક તપાસ કરી રહી છે.

વધુ વાંચો:  વડોદરા બોટકાંડનો મુખ્ય સૂત્રધાર ઝડપાયો: સંતની મધ્યસ્થીથી થયો હાજર

ડ્રાઈવરે પરિવારજનો વિશે માહિતી આપી
પરિવારને દિલ્હીથી હરિદ્વાર પહોંચાડનાર ડ્રાઈવરે જણાવ્યું કે જ્યારે પરિવારજનો બાળકને લઈને ગાડીમાં બેઠાં હતાં ત્યારે તે ઘણો બીમાર દેખાઈ રહ્યો હતો અને હરિદ્વાર સુધી બાળકની તબિયત ઘણી વધારે બગડી ગઈ. ટેક્સી ડ્રાઈવર અનુસાર પરિવારજનો બાળકની તબિયત ખરાબ હોવાને લીધે તેના ગંગા સ્નાનની વાત કરી રહ્યાં હતાં.