બિહાર / માતમમાં બદલાઈ ખુશી, જાનૈયાઓ ભરેલી સ્કોર્પિયોને નડ્યો અકસ્માત, 5 લોકોના દર્દનાક મોત

• બિહારના પૂર્ણિયામાં ભયાનક માર્ગ અકસ્માતમાં પાંચ લોકોના મોત
• દુર્ઘટનાનો ભોગ બનેલા લોકો જાનૈયાઓ હોવાનું સામે આવ્યું 
• લગ્નપ્રંસગે શોભાયાત્રામાં જઈ રહેલા સ્કોર્પિયો વાહનની ટ્રક સાથે ટક્કર 

થી દુ:ખદ સમાચાર સામે આવી રહ્યા છે. વાત જાણે એમ છે કે, અહીં એક ભયાનક માર્ગ અકસ્માતમાં પાંચ લોકોના મોત થયા છે, જ્યારે સાત લોકો ગંભીર રીતે ઘાયલ થયા છે. ઘટના જિલ્લાના મારંગા પોલીસ સ્ટેશનના NH 32 બાયપાસની છે જ્યાં શનિવારે આ ભયાનક અકસ્માત થયો હતો. દુર્ઘટનાનો ભોગ બનેલા લોકો જાનૈયાઓ હોવાનું કહેવાય છે. 

પૂર્ણિયામાં લગ્નપ્રંસગે શોભાયાત્રામાં જઈ રહેલા સ્કોર્પિયો વાહનની ટ્રક સાથે ટક્કર થઈ હતી. આ દુર્ઘટનામાં 5 લોકોના મોત થયા છે, જ્યારે 3 બાળકો સહિત કુલ 6 લોકો ગંભીર રીતે ઘાયલ થયા છે. તમામ ઘાયલોને સારવાર માટે પૂર્ણિયા મેડિકલ કોલેજ હોસ્પિટલમાં દાખલ કરવામાં આવ્યા છે. તમામની હાલત નાજુક છે. મૃતકોની સંખ્યા પણ વધી શકે છે. 

શું કહ્યું સ્થાનિકોએ ? 
આ ઘટના અંગે લગ્નપ્રંસગે શોભાયાત્રામાં જઈ રહેલા મૃતકોના સંબંધીઓ અને પ્રત્યક્ષદર્શીઓએ જણાવ્યું કે, તેઓ અરરિયા જિલ્લાના જોકીહાટથી ખાગરિયા લગ્નપ્રંસગે શોભાયાત્રામાં જઈ રહ્યા હતા. સ્કોર્પિયો વાહને રોડ કિનારે પાર્ક કરેલી ટ્રકને પાછળથી ટક્કર મારી હતી, જેમાં ત્રણ લોકોના ઘટનાસ્થળે જ મોત નીપજ્યા હતા. આ સાથે જ્યારે અન્ય બે લોકોનું હોસ્પિટલમાં મૃત્યુ થયું હતું. આ અકસ્માતમાં અનેક લોકો ગંભીર રીતે ઘાયલ પણ થયા છે.

ઘાયલોમાં બાળકોનો પણ સમાવેશ 
આ દુ:ખદ ઘટનાના ઘાયલોમાં ત્રણ બાળકોનો પણ સમાવેશ થાય છે. મામલાની માહિતી આપતા સદર એસડીપીઓ પુષ્કર કુમારે જણાવ્યું કે, અત્યાર સુધીમાં 4 લોકોના મોત થયા છે અને 7 લોકો ઘાયલ છે. તમામની હાલત ગંભીર છે. સિવિલ સર્જને 5 લોકોના મોતની પુષ્ટિ કરી છે. સિવિલ સર્જન અભય પ્રકાશ ચૌધરીએ જણાવ્યું કે, ઘટનાની જાણ થતાં જ ડોક્ટરોની આખી ટીમને હોસ્પિટલમાં મોકલી દેવામાં આવી છે. તમામ પ્રકારની વ્યવસ્થા કરવામાં આવી રહી છે, પરંતુ જે લોકો ઘાયલ છે તેમની હાલત અત્યંત નાજુક છે. મૃતકોની સંખ્યા પણ વધી શકે છે.