- પ્રદોષ વ્રતના દિવસે કરો આ ઉપાય
- ખુશીઓથી ભરાઈ જશે જીવન
- ઘરમાં આવશે સુખ-શાંતિ
26 ઓક્ટોબર એટલે કે આજે ગુરૂ પ્રદોષ વ્રત છે. પ્રદોષ વ્રતને ત્રયોદશી વ્રતના નામથી પણ ઓળખવામાં આવે છે. આ વ્રત માતા પાર્વતી અને ભગવાન શિવને સમર્પિત છે. પુરાણો અનુસાર આ વ્રતને કરવાથી સારા સ્વાસ્થ્ય અને લાંબી આયુની પ્રાપ્તિ થાય છે.
જે પ્રદોષ વ્રત ગુરૂવારના દિવસે આવે છે તેને ગુરૂ પ્રદોષ વ્રત કહેવામાં આવે છે. જ્યોતિષ શાસ્ત્ર અનુસાર ગુરૂવાર હોવાના કારણે આ દિવસે ભગવાન શિવની સાથે સાથે શ્રીહરિ વિષ્ણુજીની પણ કૃપા વરસાવશે. આ દિવસે કરેલા અમુક ખાસ ઉપાય ખૂબ જ ફાયદાકારક માનવામાં આવે છે.
ગુરૂ પ્રદોષના દિવસે કરો આ ઉપાય
- જ્યોતિષ શાસ્ત્ર અનુસાર ગુરૂ પ્રદોષ વ્રતના દિવસે શિવ મંદિર જઈને શિવલિંગ પર સુકૂ નારિયેળ અર્પિત કરો. માન્યતા છે કે આ દિવસે સુકૂ નારીયેળ અર્પિત કરવાથી સ્વાસ્થ્ય સંબંધિ સમસ્યાઓમાંથી છુટકારો મળે છે.
- જ્યોતિષ શાસ્ત્ર અનુસાર ગુરૂ પ્રદોષના દિવસે જળમાં કાળા તલ અને ગોળ મિક્સ કરી શિવલિંગ પર અર્પિત કરો. આ દિવસે આ ઉપાય કરવાથી મહાદેવ પ્રસન્ન થાય છે અને જીવનમાં સુખ-સૌભાગ્યાનું વરદાન આપે છે.
- પ્રદોષ વ્રતના દિવસે કાળા તળને છત પર પક્ષિઓના ભોજન માટે રાખવાથી જાતકોને દરેક કાર્યમાં સફળતા મળે છે. ગુરૂ પ્રદોષ વ્રતના દિવસે આ ઉપાયને કરવાથી ઘરમાં ધન-ધાન્યમાં વધારો થાય છે.
- આ દિવસે ચાંદીના કોઈ પાત્રમાં ગંગાજળ, દૂધ, ચોખા અને પતાશા નાખીને સૂર્યાસ્ત બાદ ચંદ્રમાને આર્ધ્ય આપવું જોઈએ. આ ઉપાયને કરવાથી જવનમાં સુખ શાંતિ આવે છે.
- આજના દિવસે દૂધ અને ચોખાની ખીર બનાવીને ગરીબ અને જરૂરીયાતમંદને દાન કરવી જોઈએ. આ ઉપાયને કરવાથી ભોલેનાથ પ્રસન્ન થાય છે અને ભક્તોની દરેક મનોકામનાઓ પૂર્ણ થાય છે.
- આજના દિવસે આખા ઘરને ગંગા જળ છાંટીને પવિત્ર કરવું જોઈએ. માન્યતા છે કે પ્રદોષ વ્રતના દિવસે ઘરમાં ગંગાજળ છાંટવાથી સુખ-શાંતિ અને સમૃદ્ધિ આવે છે. તેનાથી નકારાત્મક ઉર્જા પણ દૂર થાય છે.
- ગુરૂ પ્રદોષ વ્રત માટે શિવલિંગ પર 108 બિલિપત્ર અર્પિત કરવાથી પણ ખાસ લાભ થાય છે. આ દિવસે ભગવાન વિષ્ણુને પીળા રંગના વસ્ત્ર અને પીળા રંગના ફૂલ અર્પિત કરવા જોઈએ. તેનાથી શિવ અને વિષ્ણુ ભગવાનની કૃપા પ્રાપ્ત થાય છે.
