લો બોલો! / પોલીસ હજુ સુધી નિત્યાનંદ આશ્રમમાંથી ગુમ થયેલી યુવતીનું સરનામું પણ નથી શોધી શકી

• પોલીસ નિત્યાનંદિતા ટ્રેસ ના કરી શકે
• નિત્યનંદિતા આઇટી એક્સપર્ટ છે
• સાઈબર ક્રાઇમની ટીમ પણ તેનુ એડ્રેસ ટ્રેસ કરી શકતી નથી

પોલીસનું કહેવુ છેકે નિત્યાનંદિતા જે ફોનથી વિડીયો કોલીગ કરી રહી છે તેને ટ્રેસ કરવું મુશ્કેલ છે. સાયબરક્રાઇમ કે પોલીસ નિત્યાનંદિતાનું આઇપી એડ્રેસ ટ્રેસ કરી શકતી નથી જેથી પોલીસ માની રહી છેકે નિત્યનંદિતા આઇટી એક્સપર્ટ છે કે પછી આશ્રમના કોઇ સંચાલકે એવો ફોન આપ્યો છેકે તે ટ્રેસ ના થઇ શકે. પોલીસ નિત્યાનંદિતા ટ્રેસ ના કરી શકે તે માટે કોઇ સાયબર એક્સપર્ટ ભેજાબાજ તેની સાથે હોય તેવી શક્યતા છે. 

નિત્યાનંદ આશ્રમમાંથી દીકરીઓ ગાયબ

નિત્યાનંદના અમદાવાદના આશ્રમમાંથી તામિલનાડુનાં જનાર્દન શર્માના ચાર બાળકો જેમાં ૩ દીકરી અને એક દીકરો છેલ્લા કેટલાક મહિનાથી ગોંધી રખાયા હતા. જેમાંથી ચાઈલ્ડ વેલફેર અને પોલીસની મદદથી પરિવારે સગીર ઉમરનો દીકરો અને દીકરી છોડાવ્યા હતાં. પરંતુ 18 વર્ષની નિત્યાનંદીતા છોડાવવામાં નિષ્ફળ રહ્યા હતા. પોલીસે તેમની સાથે ફેસબુક માધ્યમથી વાત કરી હતી હતી જેમાં જાણવા મળ્યુ હતુંકે 21 વર્ષની દિકરી વિદેશમાં છે. 18 વર્ષ નિત્યાનંદિતા છેલ્લા ઘણા સમયથી લાપતા છે જેને શોધવના માટે પોલીસે તજવીજ શરુ કરી છે. 

26 સુધીમાં નિત્યાનંદીતાને હાજર રાખવ માટે હાઈકોર્ટનો આદેશ

જનાર્દન શર્માએ હાઇકોર્ટમાં હેબીયર્સ કોપર્સ દાખલ કરી છે જેમાં 26 સુધીમાં નિત્યાનંદીતાને હાજર રાખવ માટે આદેશ કર્યા છે. આ મામલે અમદાવાદ જીલ્લાના ડીવાયએસપી કે.ટી. કામરીયાએ જણાવ્યુ છેકે નિત્યાનંદિતાનું આઇપી એડ્રેસ ટ્રેસ કરી શકાતુ નથી કારણેક દર વખત અલગ અલગ લોકેશન મળી રહ્યુ છે. સાઈબર ક્રાઇમની ટીમ પણ તેનુ એડ્રેસ ટ્રેસ કરી શકતી નથી.