- મોદી સરનેમ કેસને લઈને આજે HCમાં થઈ સુનાવણી
- રાહુલનાં વકીલ સિંઘવે કોર્ટમાં કરી દલીલ
- રાહુલે કહ્યું કે મેં કોઈ હત્યા નથી કરી, હું આ સજાને પાત્ર નથી
સૂરતની સેશંસ કોર્ટથી રાહત ન મળતાં રાહુલ ગાંધીએ મોદી સરનેમ મામલાને લઈને હાઈકોર્ટમાં અપીલ કરી હતી. રાહુલ ગાંધીની તરફથી આ મામલાની અર્જન્ટ સુનાવણી કરવા વિનંતી કરવામાં આવી હતી જેના બાદ HCમાં કેસની સુનાવણી આજે કરવામાં આવી. કોર્ટે ફરિયાદી પૂર્ણેશ મોદીને રેકોર્ડ પર દસ્તાવેજો પ્રગટ કરવાની અરજીને સ્વીકારી છે અને હવે આ મામલાની સુનાવણી 2 મેનાં રોજ થવાની છે.
સરકારી વકીલે કહ્યું કે સજા પર રોક ન લગાવી શકાય
શનિવારે સુનાવણી દરમિયાન સરકારી વકીલ મિતેશ અમીને કહ્યું કે આ સ્તર પર કોર્ટે માત્ર મામલાની ગંભીરતાને જોવાનું છે. તેમણે કહ્યું કે આ ગુનો નોન-કોગ્નિઝેબલ અને જામીનપાત્ર છે. તેમણે વધુમાં કહ્યું કે આ એવો મામલો નથી કે જ્યાં સજા પર રોક લગાવી શકાય.
આ કોર્ટ અને આરોપી વચ્ચેનો મામલો- સિંઘવી
તો રાહુલ ગાંધીનાં વકીલ અભિષેક મનુ સિંઘવીએ કહ્યું કે સજા પર રોક લગાવવામાં આવે કે નહીં તે કોર્ટ અને આરોપી વચ્ચેનો મામલો છે. ફરિયાદીને તેનાથી કોઈ લેવા-દેવા નથી અને જો તેમની આ વાત સાંભળવામાં આવે પણ છે તો તેને વધુ વેટેજ ન આપવું જોઈએ.
'સમગ્ર રાજનૈતિક કરિયર દાવ પર લાગી જશે'
સિંઘવીએ કોર્ટમાં કહ્યું કે જો મારી અયોગ્યતા પર રોક લગાવવામાં ન આવી તો રાજનીતિનાં અધ્ધવચ્ચેના સમયગાળામાં મને ચૂંટણી લડવાથી રોકી દેવામાં આવશે. રાજનીતિમાં એક સપ્તાહનો સમયગાળો પણ ઘણો લાંબો હોય છે અહીં તો 8 વર્ષ સુધી ચૂંટણી લડવા પર રોક લાગેલી રહેશે. સમગ્ર રાજનૈતિક કરિયર દાવ પર લાગી જશે. આ કોઈ ગંભીર અપરાધ નથી, મેં કોઈ ગુનો નથી કર્યો. હું આ સજાને પાત્ર નથી. કૃપા કરીને આ અંગે ધ્યાન આપવામાં આવે.
