હવામાન વિભાગના જણાવ્યા મુજબ 24 જુલાઈએ બંગાળની ખાડીમાં બીજી સિસ્ટમ સક્રિય થશે અને ઓડિશામાં લેન્ડફોલ થયા બાદ મહારાષ્ટ્રના રસ્તે દક્ષિણ ગુજરાતમાં આવે એવી શક્યતા છે.
Share
બંગાળની ખાડીમાં બીજી સિસ્ટમ થઈ રહી છે તૈયાર
બીજી વરસાદી સિસ્ટમથી ગુજરાતને શું અસર થશે?
ગુજરાતના કયા વિસ્તારોમાં પડી શકે છે વધુ વરસાદ?
ગુજરાતમાં છેલ્લા 24 કલાકમાં નોંધપાત્ર વરસાદ થયો છે. 24 કલાકની અંદર સુત્રાપાડા તો જાણે કે છલોછલની સ્થિતિમાં આવી ગયું અને લગભગ એવી જ સ્થિતિ વેરાવળ, માંગરોળ, કુતિયાણાની રહી. જૂન મહિનાથી અત્યાર સુધીમાં રાજ્યમાં સિઝનનો સારી માત્રામાં કહી શકાય એવો પણ વરસાદ થઈ ચુક્યો છે. અમદાવાદમાં પણ આંકડાઓને સાચા માનીએ તો જૂનથી અત્યાર સુધીમાં 43 ટકા જેટલો વરસાદ થઈ ગયો છે. હવામાન વિભાગ અને અન્ય નિષ્ણાંતોની વાત માનીએ તો હજુ પણ 24 જુલાઈએ બંગાળની ખાડીમાં બીજી સિસ્ટમ સક્રિય થશે અને ઓડિશામાં લેન્ડફોલ થયા બાદ મહારાષ્ટ્રના રસ્તે દક્ષિણ ગુજરાતમાં આવે એવી શક્યતા છે. હવે પ્રશ્ન એ છે કે, આગામી દિવસોમાં ગુજરાતમાં કેવો વરસાદ રહેશે, શું રાજ્યમાં હવે એટલો વરસાદ થઈ ચુક્યો છે કે રાજ્ય જળસંકટની સ્થિતિમાંથી બહાર નિકળી ગયું છે. ગુજરાતના કયા વિસ્તારમાં હજુ વધુ વરસાદ પડી શકે છે.
ગુજરાતમાં ક્યા જિલ્લામાં વધુ વરસાદ?
ગીર-સોમનાથ
જૂનાગઢ
પોરબંદર
ભાવનગર
આણંદ
સુરત
વલસાડ
ખેડા
અમદાવાદ
હવે પછી વરસાદની સ્થિતિ કેવી રહેશે?
સૌરાષ્ટ્રના દક્ષિણ કિનારાના ભાગમાં વરસાદની શક્યતા છે. રાજકોટ, મોરબી, સુરેન્દ્રનગરમાં ભારે વરસાદની શક્યતા છે તો બીજી તરફ વિરમગામ, અમદાવાદ, ધોળકા, ધંધુકામાં ભારે વરસાદ પડી શકે છે. બનાસકાંઠા, સાબરકાંઠા, અરવલ્લીમાં વરસાદ પડી શકે છે તેમજ ઉત્તર ગુજરાતમાં મહેસાણામાં ભારે વરસાદ પડી શકે છે. મધ્ય ગુજરાતમાં વડોદરા, સાવલી, કરજણ, ખેડા, નડિયાદમાં ભારે વરસાદ થઈ શકે છે. આપને જણાવી કે, 24 જુલાઈએ બંગાળની ખાડીમાં બીજી સિસ્ટમ બને છે તેમજ બીજી સિસ્ટમનો લેન્ડફોલ ઓડિશામાં થઈ શકે છે. ઓડિશા બાદ મહારાષ્ટ્રથી ગુજરાત તરફ સિસ્ટમ આવી શકે છે. દક્ષિણ ગુજરાત, કચ્છ, સૌરાષ્ટ્રમાં ફરી વરસાદ વરસી શકે છે.
