બેઠક / ગુજરાત ચૂંટણીને લઈને ધમધમાટ, નવા વર્ષે ભાજપની કમલમમાં મોટી બેઠક, અમિત શાહની હાજરી

• નવા વર્ષના પ્રથમ દિવસે કમલમમાં મહત્વની બેઠક
• થોડીવારમાં અમિત શાહની અધ્યક્ષતામાં મળશે બેઠક
• બેઠકમાં સી.આર પાટીલ, CM ભૂપેન્દ્ર પટેલ રહેશે હાજર 

ગુજરાતમાં વિધાનસભાની ચૂંટણી જાહેરાતનું કાઉન્ટ ડાઉન શરૂ થઈ ગયો છે ગમે ત્યારે ચૂંટણી પંચ જાહેરાત કરી શકે છે. ભાજપ, કોંગ્રેસ અને આમ આદમી પાર્ટી ત્રણય પક્ષ અત્યારે પૂર જોશમાં તૈયારીઓ કરી રહ્યા છે. બેઠકોથી લઈ જાહેરસભા અને રોડ શૉ સહિતની તમામ કામગીરી કરી રહ્યાં છે. ત્યારે ગાંધીનગર ખાતે નવા વર્ષના પ્રથમ દિવસે કમલમમાં મહત્વની બેઠકનું આયોજન કરવામાં આવ્યું છે. થોડીવારમાં અમિત શાહની અધ્યક્ષતામાં બેઠક યોજાશે.

અમિત શાહ પ્રદેશના નેતાઓ સાથે કરશે ચર્ચા
ગુજરાત ભારતીય જનતા પાર્ટીનો ગઢ ગણાય છે અને અહીં સતત ભાજપ જીતતી આવી છે ત્યારે આ વખતે ચૂંટણીમાં વિજય મેળવવા માટે શુ સ્ટેટેજી અપનાવે છે તે મહત્વનું રહેશે. તેવામાં ચુંટણીની જાહેરાત અગાઉ  CM ભૂપેન્દ્ર પટેલ, પ્રદેશ ભાજપ પ્રમુખ સી.આર પાટીલની હાજરીમાં બેઠક યોજાઇ રહી છે. જે બેઠકમાં કેન્દ્રીય ગૃહમંત્રી અમિત શાહ પ્રદેશના નેતાઓ સાથે ચર્ચા કરશે. આ બેઠકમાં વિધાનસભા ચૂંટણીની રણનીતિ સહિતના મુદ્દે ચર્ચા થઇ શકે છે. ઉપરાંત આગામી કાર્યક્રમો અને ચૂંટણીમાં ઉમેદવારો નામ પર પણ  મંથન થઇ શકે તેવી શક્યતા વર્તાઇ રહી છે.