- લોકસભા ચૂંટણીને લઈ ભાજપનો એક્શન પ્લાન
- લોકસભાની 26 બેઠક માટે 8 નેતાઓને જવાબદારી સોંપાઈ
- 6 જાન્યુઆરીએ કમલમ ખાતે મળી શકે છે મહત્વની બેઠક
લોકસભાની ચૂંટણીને લઈ ભાજપ દ્વારા તડામાર તૈયારીઓ શરૂ કરી દીધી છે. 26 લોકસભા બેઠક માટે સીનીયર નેતાઓને જવાબદારીઓ સોંપવામાં આવી છે. પૂર્વ મંત્રી પ્રદીપસિંહ જાડેજા, ભૂપેન્દ્રસિંહ ચુડાસમા સહિતનાં નેતાઓને મહત્વની જવાબદારી સોંપવામાં આવી છે. જેને લઈ આગામી 6 જાન્યુઆરીએ મહત્વની બેઠક પણ મળશે.
વધુ વાંચોઃ લોકસભા ચૂંટણીમાં કેટલી બેઠકો જીતવાની છે? ભાજપે જાહેર કર્યો ટાર્ગેટ, કહ્યું- 'ત્રીજી વખત મોદી સરકાર'
આગામી સમયમાં કમલમ ખાતે યોજાશે બેઠક
મળતી માહિતી મુજબ લોકસભા 2024 ની ચૂંટણીને લઈ તમામ પક્ષો દ્વારા તૈયારીઓ શરૂ કરી દીધી છે. ગુજરાતમાં લોકસભાની 26 બેઠકો જીતવા માટે ભાજપ દ્વારા સીનીયર નેતાઓને જવાબદારી સોંપાઈ છે. આગામી સમયમાં કમલમ ખાતે બેઠકનું પણ આયોજન કરવામાં આવ્યું છે. તેમજ 26 લોકસભા બેઠકો પર 3-3 નાં કલસ્ટર જૂથ પણ બનાવવામાં આવ્યા છે.
ભાજપ દ્વારા લોકસભાની 26 બેઠકો માટે 8 નેતાઓને જવાબદારી સોંપવામાં આવી છે. જેમાં
| ક્યાં નેતાઓને જવાબદારી સોંપાઈ |
ક્યાં જીલ્લાની જવાબદારી સોંપાઈ |
| બાબુભાઈ જેબલિયા |
મહેસાણા, સાબરકાંઠા, સુરેન્દ્રનગર બેઠકની જવાબદારી સોંપાઈ |
| કે.સી.પટેલ |
ગાંધીનગર, અમદાવાદ પૂર્વ, અમદાવાદ પશ્ચિમ બેઠકની જવાબદારી સોંપાઈ |
| નરહરી અમીન |
આણંદ, ખેડા, પંચમહાલ, દાહોદ બેઠકની જવાબદારી સોંપાઈ |
| પ્રદિપસિંહ જાડેજા |
વડોદરા, છોટાઉદેપુર, ભરૂચ બેઠકની જવાબદારી સોંપાઈ |
| ડો.જ્યોતિબેન પંડ્યા |
સુરત, નવસારી, બારડોલી, વલસાડ બેઠકની જવાબદારી સોંપાઈ |
| ભૂપેન્દ્રસિંહ ચુડાસમા |
જૂનાગઢ, અમરેલી, ભાવનગર બેઠકની જવાબદારી સોંપાઈ |
| આર.સી.ફળદુ |
જામનગર, પોરબંદર, રાજકોટ બેઠકની જવાબદારી સોંપાઈ |
| અમિત ઠાકર (ધારાસભ્ય) |
કચ્છ, બનાસકાંઠા, પાટણ બેઠકની જવાબદારી સોંપાઈ |
