જંગ / તાત્કાલિક શહેર છોડો, હવે ભારતીયોને ખારકીવ ખાલી કરવાની ભારત સરકારની સલાહ

• ખારકીવમાં રશિયાના ભીષણ હુમલા અને તોપમારો
• ભારતે ખારકીવમાં રહેતા ભારતીયોને આપી ચેતવણી
• તત્કાળ શહેર છોડીને બહાર ચાલ્યા જાવ
• એડવાઈઝરી મળતા ખારકીવમાં થયો મિસાઈલ એટેક

કીવ બાદ હવે રશિયાએ યુક્રેનના બીજા મોટા શહેર ખારકીવમાં મોટાપાયે હુમલા અને તોપમારો શરુ કર્યો હોવાથી ભારતીય વિદેશ મંત્રાલયે એક એડવાઈઝરી જારી કરીને ખારકીવમાં રહેલા તમામ ભારતીયોને વહેલી તકે શહેર ખાલી કરવાનો આદેશ આપ્યો છે. ભારતીયોને ખારકીવ ખાલી કરવાની ચેતવણી મળતા જ શહેરમાં એક ક્રૂઝ મિસાઈલ ત્રાટકી હતી. 

Embassy of India in Ukraine issues an urgent advisory to Indian nationals in Kharkiv

Must leave Kharkiv immediately, proceed to Pisochyn, Bezlyudovka & Babaye as soon as possible. They must reach these settlements by 1800 hrs (Ukrainian time) today, it reads pic.twitter.com/ko4JGcPfmY

— ANI (@ANI) March 2, 2022

ખારકીવમાં રહેલા ભારતીયો તત્કાળ શહેર ખાલી કરે-ભારતીય વિદેશ મંત્રાલય 
રશિયા અને યુક્રેન વચ્ચે ચાલી રહેલા યુદ્ધના સાતમા દિવસે વિદેશ મંત્રાલય દ્વારા નવી એડવાઇઝરી જાહેર કરવામાં આવી છે. એડવાઈઝરી મુજબ ખારકીવમાં હાજર તમામ ભારતીયોએ પોતાની સુરક્ષા માટે તાત્કાલિક ખારકીવ શહેર છોડીને જવું પડશે.વિદેશ મંત્રાલય દ્વારા બુધવારે સાંજે જાહેર કરવામાં આવેલી એડવાઈઝરીમાં કહેવામાં આવ્યું છે કે, ખારકીવમાં સ્થિતિ ખરાબ છે, તેથી ભારતના તમામ વિદ્યાર્થીઓ અને ત્યાં ફસાયેલા લોકોને તાત્કાલિક ખારકીવ શહેર છોડવાની સલાહ આપવામાં આવે છે.

ભારતીયોને અહીં જવાનું કહેવાયું 

એડવાઈઝરીમાં વિદેશ મંત્રાલયે કહ્યું છે કે, ભારતીયો ખારકીવથી પેસોચિન,બાબાયે અને બેઝલ્યુડોવા તરફ જઈ શકે છે. વિદેશ મંત્રાલયે કહ્યું છે કે યુક્રેનના સમય મુજબ ભારતીયોએ આજે સાંજે 6 વાગ્યા સુધીમાં પેસોચિન, બાબાયે અને બેઝ્લોવકા પહોંચવું પડશે. જણાવી દઈએ કે ભારતનો સમય યુક્રેનના સમય કરતા સાડા ત્રણ કલાક આગળ છે. એટલે કે ખારકીવમાં રહેતા ભારતીયો પાસે આ સમયે શહેર છોડવા માટે સાડા ત્રણ કલાકનો સમય છે.

ખાર્કીવનો સિટી સ્ક્વેરનો વિસ્ફોટથી ઉડાવ્યું 
 
આ અગાઉ, ખાર્કિવની પ્રાંતીય સરકારના મુખ્યાલયમાં આવો જ વિસ્ફોટ થયો હતો. જેમાં 10 લોકો માર્યા ગયા હતા. વિસ્ફોટ એટલો જોરદાર હતો કે ઈમારત અને તેની આસપાસના વાહનો ઉડી ગયા હતા. તમને જણાવી દઈએ કે રશિયા આ હુમલાઓમાં કેલિબર ક્રૂઝ મિસાઈલનો ઉપયોગ કરી રહ્યું છે. આ તે મિસાઇલો છે જે પાણી, જમીન, આકાશ ગમે ત્યાંથી લોન્ચ કરી શકાય છે. 1500 થી 2500 કિમીની રેન્જ ધરાવતી આ મિસાઈલને અમેરિકાની ટોમ હોક ક્રૂઝ મિસાઈલ કરતા પણ વધુ ખતરનાક માનવામાં આવે છે. એ જ ટોમહોક ક્રુઝ મિસાઈલ જેણે 1991ના ગલ્ફ વોર અને અફઘાનિસ્તાન યુદ્ધ દરમિયાન યુદ્ધનો માર્ગ બદલી નાખ્યો હતો.