ખુશખબર / ખેડૂતોની આવક થશે બમણી, મોદી સરકારને આ દેશ કરશે મદદ

• ખેડૂતોની આવક હવે થશે બમણી
• જર્મની ભારતના ખેડૂતોને મદદ કરવા તૈયાર
• દિલ્હીમાં મોદી સરકારના મંત્રી સાથે જર્મનીના મંત્રીની મુલાકાત 

હકીકતમાં, કૃષિ મંત્રાલય, ખેડૂતો સાથે સંકળાયેલ મોદી સરકારના એજન્ડાને અમલી બનાવવાનો પ્રયાસ કરી રહી છે. 2022 સુધીમાં દેશના ખેડુતોની આવક બમણી કરવાની વ્યૂહરચનાના ભાગરૂપે, કૃષિ મંત્રાલયે તમામ સંભવિત પગલાઓની શોધખોળ કરવાની કવાયત શરૂ કરી છે.

જર્મની કરશે મદદ 

આ મામલે જર્મનીએ હવે ભારતને તેની તકનીકી અને મેનેજમેન્ટ કુશળતાથી ખેડૂતોની આવક બમણી કરવામાં મદદ કરવાની ઓફર કરી છે. જર્મનના ખાદ્ય અને કૃષિ પ્રધાન જુલિયા ક્લોકનરે નવી દિલ્હીમાં કૃષિ અને ખેડૂત કલ્યાણમંત્રી નરેન્દ્રસિંહ તોમર સાથેની બેઠકમાં આ પ્રસ્તાવ આપ્યો હતો.

જર્મનીનું મેનેજમેન્ટ કુશળતા લાગશે કામ

જુલિયા ક્લોકનરે બેઠકમાં જણાવ્યું હતું કે જર્મની પાસે યાંત્રિકરણ અને લણણી પછીના મેનેજમેન્ટની કુશળતા છે, જે ભારતના ખેડૂતોની આવક બમણી કરવામાં મહત્વપૂર્ણ સાબિત થઈ શકે છે.

બંન્ને મંત્રીઓએ કરી ચર્ચા

બંને મંત્રીઓએ ભારત અને જર્મની વચ્ચે કૃષિ બજાર વિકાસ સહયોગ અંગેના સંયુક્ત ઘોષણા પર હસ્તાક્ષર કર્યા. બેઠક દરમિયાન નરેન્દ્રસિંહ તોમારે કહ્યું કે ભારતે 2022 સુધીમાં ખેડૂતોની આવક બમણી કરવાનું લક્ષ્યાંક નક્કી કર્યું છે.

મોદી સરકારના મંત્રીનું નિવેદન 

તોમરે કહ્યું કે, "ખેડૂતોની આવક બમણી કરવા માટે, ઉત્પાદન વધારવા તેમજ ખર્ચ ઘટાડવા, સ્પર્ધાત્મક બજારો બનાવવા અને કૃષિ માટે મૂલ્ય સાંકળને મજબૂત બનાવવા પર વિશેષ ધ્યાન આપવામાં આવી રહ્યું છે.