આગાહી / ગુજરાતમાં આવનાર 5 દિવસમાં ઠંડી પડશે ગરમી? હવામાન વિભાગે કરી આગાહી, આજે ધાર્યું થયું

• રાજ્યના વતાવરણને લઈને હવામાન વિભાગની આગાહી
• આગામી 5 દિવસ વાતાવરણ સૂકું રહેશે જ્યારે વરસાદની કોઈ સંભાવના નહિ
• આગાહી પ્રમાણે તાપમાનમાં સામાન્ય ઘટાડો જોવા મળ્યો

આગામી 5 દિવસ માટે હવામાન વિભાગ દ્વારા આગાહી કરી છે કે, આગામી 5 દિવસ રાજ્યમાં વાતાવરણ સૂકું રહેશે. તેમજ રાજ્યમાં કોઈ વરસાદની સંભાવના નથી.  આગાહી પ્રમાણે તાપમાનમાં સામાન્ય ઘટાડો જોવા મળ્યો છે. અમદાવાદમાં રાતનું તાપમાન 19.4 ડિગ્રી. જ્યારે ગાંધીનગરમાં રાત્રી તાપમાન 18 ડિગ્રી, નલિયામાં રાત્રી તાપમાન 13 ડિગ્રી પહોંચ્યું હતું. રાજ્યના અન્ય શહેરોમાં પણ તાપમાનમાં સામાન્ય ઘટાડો થયો હતો. પવનનાં કારણે ઠંડીનો અહેસાસ થઈ રહ્યો છે. તો બપોરે સામાન્ય ગરમીનો અહેસાસ થઈ રહ્યો છે. 

ફેબ્રુઆરીના છેલ્લા સપ્તાહમાં ઠૂંઠવી નાંખે તેવી ઠંડીની આગાહી
ફેબ્રુઆરી માસના છેલ્લા સપ્તાહમાં ઠૂંઠવી નાંખે તેવી ઠંડીનો સામનો કરવો પડી શકે છે. ઠંડીની સીઝનમાં મહત્તમ 14 ડિગ્રી સુધી પારો ગગડી શકે છે. તેમજ રાત્રી તાપમાનમાં પણ ઘટાડો થઈ શકે છે. 

વધુ વાંચોઃ કળિયુગી બાપ! સુરતમાં પ્રેમીએ 7 હજારમાં બાળકીને વેચી મારી!, લિવિંગ પાર્ટનરને ચેતવતી સુરતની ઘટના

હિમાચલ રિજિયનમાં વેસ્ટર્ન ડિસ્ટર્બન્સ સિસ્ટમ સક્રિય થશે
મળતી માહિતી મુજબ તા. 17 થી 21 ફેબ્રુઆરી દરમ્યાન હિમાચલ રિજિયનમાં વેસ્ટર્ન ડિસ્ટર્બન્સ સિસ્ટમ સક્રિય થઈ રહી છે. જેથી ઉત્તર ભારતના પહાડી વિસ્તારોમાં ભારે હિમવર્ષા થશે  તેમજ ઠંડા પવનો ફૂંકાવવાની આહાગી કરવામાં આવી છે. આગામી તા. 22 થી ઠંડીનો ચમકારો વધવાની શક્યતા છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો